तीजलाई लक्षित गर्दै आजबाट २२ औं डाबर तीज फेस्टिभल तथा सिर्जनशील उद्यमी मेला सुरु भएको छ । उद्योगमन्त्री दामोदर भण्डारीले मेलाको उद्घाटन गरेका हुन् । उद्घाटन गर्दे उनले यस मेलाले उद्यमी महिला तथा युवाहरुलाई व्यवसायमा प्रोत्साहन पुग्ने बताए । उनले आफूले उत्पादन गरेका सामग्रीहरुलाई ग्राहकसम्म पु¥याउन यस मेलाले सहयोग पुग्ने बताए ।
महिलाहरूलाई सीपमा दक्ष बनाउँदै उद्यमशीलता र स्वरोजगारतर्फ प्रेरित गर्नु र प्रविधिमैत्री वातावरण सिर्जना गरेर महिलालाई आर्थिक रूपमा सशक्त बनाउने उद्देश्यका साथ मेलाको आयोजना गरिएको महिला सिर्जनशील केन्द्रकी अध्यक्ष मिलु थापाले बताइन् । उनले मेलामा युवाहरु पनि आकर्षित भएको बताइन् । उनले भनिन् ‘पहिलाको मेला भन्दा यो मेलामा युवाहरुको उपस्थिति राम्रो छ यसले युवाहरु पनि उद्यमशीलतामा अग्रसर छन् भन्ने देखाएको छ । ’
बालुवाटारस्थित आम्रपाली ब्यांक्वेटमा सञ्चालन गरिएको मेलामा मेलामा लत्ताकपडा, कस्मेटिक, चुरापोते, गरगहना, विभिन्न परिकार लगायतका सामग्री रहेका छन् । सिर्जनशील केन्द्र प्रवद्र्धन तथा राइजिङ नेपाल प्रालिसँगको सहकार्य एवं इभेन्टसञ्चार डटकमको व्यवस्थापनमा मेला सञ्चालन गरिएको हो ।
मेलामा १ सय वटा स्टलहरु रहेको बताइएको छ । हरेका वर्ष हुने गरेको यो मेला साउन २५ गतेसम्म सञ्चालन हुनेछ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
