ग्रिल्ड चिकेन
विधि : कटपिस चिकेनलाई ओलिभ आयल, मस्टर्ड पेस्ट, मरिचको धूलो, नुन, इटालियन हर्ब्सलगायतका सामग्री हालेर मोल्ने । १० मिनेटजति छाडिदिने ।
घोगी तराई–मधेसको हिलो–माटो वा पानीमा पाइन्छ । घोगी विशेषगरी मधेसका शिल्पी समुदाय र थारु जातिको मुख्य परिकारका रूपमा चिनिन्छ । घोगीमा क्याल्सियम र भिटामिन ‘डी’ लगायत अन्य भिटामिनहरूसमेत हुने भएकोले यो ज्यादै पौष्टिक तत्व भएको खाद्य पदार्थ हो । बढी चिसो लाग्ने र हाडजोर्नीका बिरामीहरूले घोगी खानु राम्रो हुन्छ ।
सामग्री : घोगी, तोरीको तेल, सुकेको प्याज, अदुवा–लसुनको पेस्ट, पिसेको जिरा, सुकेको खुर्सानी, गोलभेंडा, गरम मसला, बेसार र स्वादअनुसार नुन ।
विधि : सुरुमा घोगीलाई सफा पानीमा पखालेर कम्तीमा २४ घण्टा चामलको पिठोसहित सफा पानीमा भिजाउनुपर्छ । त्यसपछि पानीबाट निकालेर फेरि ४–५ पटक सफा पानीले मिचिमिची पखाल्नुपर्छ । यसमा हिलो माटो हुने भएकाले माटो पखालिने गरी सफा गर्ने । त्यसपछि घोगीलाई तातोपानीमा उमालेर निकाल्ने र फेरि सफा पानीले पखाल्न्पुर्छ । घोगी सानो शंख आकारको हुने भएकाले तलपट्टिको चुच्चो भाग काटेर फाल्नुपर्छ । त्यसपछि कराहीमा तोरीको तेल तताई त्यसमा मसिनो गरी काटेको प्याज हाली फुराएर अदुवा–लसुनको पेस्ट हाल्नुपर्छ । जिरा र सुकेको खुर्सानी पिसेर हाली आवश्यकतानुसार गोलभेंडा राखेर पाक्ने गरी भुट्नुपर्छ । त्यसपछि अन्य गरम मसला, नुन, बेसार राखेर एकछिन पकाउनुपर्छ । पाकेको मसलामा घोगी राखी छोपेर पकाउनुपर्छ । पाकिसकेपछि आवश्यकतानुसार झोल हालेपछि घोगी खानका लागि तयार हुन्छ ।
- दीपक तामाङ
लेकाली किचन एन्ड कटिया हाउस
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |