क्रिस्पी कर्न
मकैलाई हल्का उसिनेर निकाली पानी तार्ने । त्यसपछि कर्नफ्लोर राखेर माथिबाट कागती निचोर्ने । कर्नफ्लोरको साटो बेसन, मकेको पिठो, मैदा पनि राख्न सकिन्छ ।
सेफ
इन्द्रप्रभा शेरचन
(क्याफे दे टुकुचे, लाजिम्पाट)
बदेल अचार
सामाग्री :
बिधि :
डायस आकारमा एकनासले काटिएको बदेलको मासुलाई १५ मिनेटजति उमाल्ने (उसिन्ने) l कराहीमा थोरै तेल तताउने l त्यसमा उक्त मासु हालेर कम आचमा क्रिस्पी नभइन्जेल भुट्ने l त्यसपछि जालीमा मासुलाई छानेर तेल तर्काउने l अदुवा, लसुनलाई लामो आकारमा स्लाइस गरी काट्ने l यसलाई लामो रातो खुर्सानी मिसाएर तेलमा तार्ने l यी सामाग्रीलाइ ग्राइन्डरमा ग्राइन्ड गर्ने l यसरी तयार पारेको मसलालाई मासुमा मोल्ने l स्वादअनुसार नुन राखी थोरै तोरीको तेलमा मेथी फ़ुराएर झान्ने अनि मोल्ने l यसमा कागतीको रस राखेर सर्भ गर्दा अझ स्वादिस्ट हुन्छ l यो स्न्याक्सका रुपमा खान सकिन्छ l
मुस्ताङ आलु
सामग्री :
बिधि :
लाम्चो आकारको आलुको बोक्रा ताछ्ने l धेरै ठुलो आलु छ भने एउटालाई चार टुक्रा र सानो भए दुइ टुक्रा बनाउने l बाक्लो कराहीमा घिउ राखेर कम आचको आगोमा क्रिस्पी नहुन्जेल छोपी -छोपी पकाउने l बीच-बीचमा आलुलाई फर्काउदै गर्ने l यो स्न्याक्सका लागि स्वादिस्ट परिकार हो l
यो सँग खानका लागि अचार तयार पार्न रातो खुर्सानी, लसुन, नुन सिलौटोमा पिस्ने l सानो भाँडोमा तेल तताएर थोरै तेलमा अलिकति मेथी राखी यसलाई माथिबाट झान्नुपर्छ l मुस्ताङ आलु यो अचारसँग चोपेर खान सकिन्छ l
कनचम्पा
सामाग्री :
बिधि :
कराईमा एक लिटर पानि तताउने l त्यसमा थोरै घिउ र नुन हालेर उमाल्ने l उम्लेको पानीमा पिठो हालेर ढिडोँ ओढाल्ने l ढिडोँ मज्जाले पाकिसकेपछि फराकिलो थालमा खन्याएर सेलाउने दिने l सेलाइसकेपछि ढिडोँलाई हातमा लिएर स-साना लाम्चो आकारमा रोल गर्ने l उक्त रोललाई तातेको घिउमा फ्राइ गर्ने l
भेज स्न्याक्सका रुपमा अत्यन्त मन पराइएको यो परिकार थकालीहरुको टिपिकल खाजा हो l फरक स्वाद तथा स्वस्थबर्द्धक भएकाले यो अहिले सबैका माझ लोकप्रिय छ l
लेपखु
सामाग्री :
एउटा खसीको टाउको
बिधि :
खसीको टाउकोलाइ आगोमा हल्का पोलेर रौं डढाउने र राम्ररी पखाल्ने l यसमा भएको कान,जिब्रो आदि अन्य मासुयुक्त भागलाई छुट्टयाउने, जिब्रोलाई पोलेर छाला निकाल्नुपर्छ l त्यसपछि सबै मासुलाई स-साना टुक्रामा काट्ने l गिदीलाई भने अलगै छुट्याएर एउटा भाडामा सुरक्षित राख्नुपर्छ l यति गरिसकेपछि प्रेसर कुकरमा तेल तताउने l यसमा मेथी फ़ुराएर बेसार राखी सबै मासु राखेर चलाउने l मासु केहीबेर भुटेपछि खुर्सानीको धुलो र जिरा पाउडर राखेर फेरी चलाउँदै भुट्ने l केहिबेरपछि अदुवा-लसुनको पेस्ट र नुन राखेर चलाउने l मसला भुटीसकेपछि गोलभेंडा राखेर चलाउने l यसमा थोरै पानि राखेर पाँच सिठीजति लगाउने l सिठी बन्द भएपछि कुकरको बिर्को खोलेर चलाउने l यसमा आवश्यकताअनुसार सुप राखेर उमाल्ने l केहिबेर उम्लिसकेपछि यो सुपको माथि फापरको पिठो र कागती राखेर मोलेको गिदीलाइ राखिदिने र पुन: पाँच-सात मिनेट पाक्न दिने l अन्त्यमा टिम्मुरको धुलो छर्किएर कागतीको रस राख्नुपर्छ l यो नौलो परिकार भात, ढिडोँ, चिउरा वा अन्य खानसँग पनि खान सकिन्छ l थकाली भाषामा 'लेप' भनेको 'गिदी' र 'ख' भनेको 'दाल' हो l थकालीमाझ निकै प्रचलित परम्परागत खानमध्य एक 'लेपखु' अहिले सबैमाझ लोकप्रिय बन्दैछ l चाडपर्वका बेला फरक स्वादको यो नौलो परिकार यो कोहिले पनि घरमै बनाएर खान सक्छन् l
थकाली सेट
थकाली खानपानमा बिशेष मानिने 'थाकाली सेट' अहिले सहरीयामाझ अत्यन्त लोकप्रिय छ l शरीरका लागी अवाश्यक प्रोटिन, भिटामिन, क्याल्सियम, मिनेरल्सलगायत सबै तत्व प्राप्त हुने सामाग्री प्रयोग गरी यो सेट तयार पारिएको हुन्छ l विविध भेराइटियुक्त परिकारसहित सर्भ गर्नु यसको बिशेषता हो l थकाली थालि सेटमा खाना वा ढिडोँका साथमा मुस्ताङ दाल, हरियो साग, गुन्द्रुकको अचार राखिएको हुन्छ l शुद्ध घिउ, मुलाको थेवे, टिम्मुरको छोप थकाली सेटका लागी अनिवार्य छन् l थकाली सेट आफ्नो रोजाइअनुसार मटन चिकेन र भेज जुनसुकै पनि खान सकिन्छ l
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |