सुलभ सजावट

नारी संवाददाता

मंसिर १५, २०७७

सन्दिता तामाङ

संस्थापक एवं कार्यकारी निर्देशक, डेकोर डेब्युट प्रा.लि.

जाडो मौसममा घरलाई न्यानो राख्न वा केही नयाँपन दिनका लागि आन्तरिक सज्जामा फेरबदल गर्न सकिन्छ । घरको पर्दादेखि भित्री सजावटसम्म थोरै परिवर्तन गरेर जाडो याममा घरलाई नयाँ रूप दिन सकिन्छ ।

झ्यालढोकाको पर्दा

जाडो याममा झ्यालढोकाको पर्दा परिवर्तन गरेर घरलाई नयाँ लुक्स दिन सकिन्छ । पर्दा परिवर्तन गर्दा पुरानो पर्दाको रंग र त्यसको प्रिन्ट नदोहोरियोस् भन्नेमा जोड दिनुपर्छ । जाडोमा पर्दा बाक्लो र गाढा रंगको हुन जरुरी छ । यसले कोठा फरक देखिने मात्र होइन, न्यानो पनि राख्छ । यसरी थोरै पैसा खर्च नगरी घरको लुक्स बदल्न सकिन्छ ।

फर्निचर

कोठालाई नयाँपन दिन बेलाबखत फर्निचरको स्थान फेरबदल गर्न सकिन्छ । पलङ, सोफा, दराजलाई सधै राखिएको भन्दा फरक ठाउँमा सजाएर कोठाको स्वरूप बदल्न सकिन्छ ।

वालपेपर

पछिल्लो समय कोठाको आन्तरिक सजावटमा वालपेपरको प्रयोग बढेको छ । विभिन्न रूपरंग वा डिजाइनमा उपलब्ध हुने र सजिलै लगाउन सकिने भएकाले यसलाई धेरै रुचाइएको पनि छ । जाडोमा सोहीअनुरूप सुहाउँदो वालपेपर प्रयोग गरेर कोठाको सज्जा परिवर्तन गर्न सकिन्छ ।

रंगरोगन

कोठाको रंग परिवर्तन गरेर नयाँपन दिन सकिन्छ । इन्टेरियरको महत्वपूर्ण पक्ष भनेको पेन्ट्स हो । विभिन्न पेन्ट्स कम्पनीले टेक्स्चर पेन्ट्स निकालेका छन् । कुनै एउटा वालमा यस्तो पेन्ट्स लगाउन सकिन्छ । रंगको छनोटमा भने विशेष ध्यान दिनुपर्छ । कोठालाई नयाँपन दिनका लागि कुनै एक भित्तालाई रोज्न सकिन्छ । जसलाई हाइलाइट गर्न सकियोस् । हाइलाइटका लागि रंग उज्यालो हुनुपर्छ । यस्तो रंगले ध्यान आफूतिर खिच्छ । त्यस्तै, झ्याल र ढोकाको फ्रेममा पनि आकर्षक रंग गर्न सकिन्छ ।

इन्डोर प्लान्ट

अहिले कोरानाका कारण धेरैलाई समय मिलेको छ । त्यसैले धेरैजसोले घरमा इन्डोर प्लान्ट रोप्ने गरेका छन् । यस्ता प्लान्ट सदाबहार हुन्छन्, जुनसुकै मौसममा पनि कोठामा सजाउन सकिन्छ । रबर प्लान्ट, मनिप्लान्ट आदि बिरुवा राख्न सकिन्छ, जसले घरलाई हरियाली बनाएर प्राकृतिक लुक्स दिन्छ । अन्य रंगको बिरुवा पनि राख्न सकिन्छ ।

सजावटका सामग्री

बजारमा विभिन्न डिजाइनका सजावटका सामग्री पाइन्छन् । आफ्नो रुचि र बजेटअनुरूपका सामग्रीले घरको सजावट गर्न सकिन्छ । पेन्टिङ, फोटो फ्रेम, लाइट, भास आदिले कोठालाई फरक लुक दिन्छन् । थ्रो पिलोज राख्न सकिन्छ । रंगीन कभर भएको किताब अथवा कोठाको साइड टेबलमा सुन्दर सो–पिस, क्यान्डिलले सजाउन सकिन्छ । ठूलो र फराकिलो कोठा भए भित्तामा ठूलो पेन्टिङ लगाउँदा राम्रो हुन्छ । फूलदानीमा नयाँ फूल परिवर्तन गरेर पनि कोठालाई नयाँपन दिन सकिन्छ ।

ऐना

ऐनाले घरको मेकओभर गर्ने बेस्ट आइडिया हुन सक्छ । बैठक कोठाको सामुन्ने वा घरको अतिरिक्त खाली ठाउँमा ठूलो ऐना राखेर घरलाई फरक लुक्स दिन सकिन्छ । अथवा घरमै भएको पुरानो ऐनाको फ्रेममात्र परिवर्तन गर्न पनि सकिन्छ । सुन्दर डिजाइनको फ्रेमसँगै ऐनाको ठाउँ बदलेर कोठालाई नयाँपन दिन सकिन्छ ।

लाइटिङ

घर सजावटमा लाइटिङको भूमिका महत्वपूर्ण हुन्छ । कुनै एउटा बल्बमात्र परिवर्तन गरेर पनि कोठालाई फरक लुक दिन सकिन्छ । अहिले थरीथरी डिजाइनका लाइट उपलब्ध छ, जसको प्रयोगले कोठाको सजावटमा विविधता ल्याउन सकिन्छ ।

द्धजाडोमा घरलाई मोनोक्रोमेटिक लुक दिनुपर्छ । मोनोक्रोमोटिक लुकले घरलाई न्यानो बनाइराख्छ ।

द्धबैठक कोठाको ढोकालाई नयाँ स्वरूप दिनका लागि पेन्टिङ वा फोटोफ्रेमको कोलाज बनाएर राख्न सकिन्छ ।

द्धढुंगा र काठले बनेको डेकोरेटिभ आइटमले बैठक कोठा सजावट गर्न सकिन्छ ।

द्धगाढा रंगको कृत्रिम फूल फूलदानीमा सजाएर घरलाई विन्टर लुक्स दिन सकिन्छ ।

द्धफरक आकार र सेपको स्टोनलाई कलरफुल भाँडामा राखेर मध्यभागको टेबलमा सजाउन सकिन्छ ।

द्धओछ्यानलाई न्यानो बनाउन साटिन, भेल्भेट, ऊनी फेब्रिकयुक्त बेडकभर राख्न सकिन्छ ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>