युएन वुमनको टप फाइभमा डा. रुना  

नारी संवाददाता

वैशाख २०, २०७७

विश्वव्यापी रुपमा महामारी बनेको कोभिड –१९ भाइरसको लडाईंमा दिनरात खटिएकी राष्ट्रिय जनस्वास्थ्य प्रयोगशालाकी निर्देशक डा. रुना झालाई युएन वुमनले सम्मानित गरेको छ । युएन वुमनले कोरोना भाइरसको अग्रपंक्तिमा खटिइरहेका विश्वका ५ महिलाको सूचीमा डा. रुना पनि पर्न सफल भएकी छिन् ।  डा. झा कोराना भाइरसको लडाईंमा चौबिसै घन्टा लागिपरेकाले सम्मानित गरेको हो ।

उनी चीनको वुहानबाट नेपाल ल्याइएका १ सय ७५ जनाको रेखदेखदेखि हालसम्म नेपालमा कोरोना भाइरसको परीक्षणदेखि पिसिआर ल्याबमा आफ्नो नेतृत्वमा सफलतापूर्वक खटिएकी छिन् । नेपालको कोरोना विरुद्धको लडाईंमा सुरुदेखि नै आफ्नो नेतृत्वमा चुनौतीका बाबजुद काममा दिनरात खटिरहेको र उनको टीमले राम्रो काम गरेकाले विश्वको ५ महिलमा डा. रुनालाई समावेश गरिएको हो । 

आफ्नी सात वर्षीया छोरीलाई आमाबुवाको जिम्मा लगाएर काममा लागिपरेकी डा. रुनाले छोरीलाई अंगालो हाल्न नपाएको महिनौ भयो । अहिलेको विषम परिस्थितिमा छोरी तथा अभिभावकसँग अलग रहेर उनी आफनो कर्ममा दिनरात लागिपरेकी छिन् । यो सम्मानले कोरोना विरुद्ध लागि पर्नका लागि थप हौसला प्राप्त भएको उनले बताइन् । 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>