नारी संवाददाता

मंसिर २७, २०७६

मिस वल्र्ड प्रतियोगिताको यो वर्षको संस्करणमा सहभागी नेपाली चेली अनुष्का श्रेष्ठले मल्टिमिडिया अवार्ड जितेकी छिन् । लण्डनमा जारी मिस वल्र्ड प्रतियोगितामा मिस नेपाल अनुष्का श्रेष्ठ शीर्ष ४० मा पर्दै दोस्रो चरणको ‘हेड टु हेड च्यालेन्ज’ मा पुगेकी थिइन् । 

मल्टिमिडिया अवार्ड हात पारेपछि उनले सामाजिक सञ्जालमार्फत आफ्ना समर्थक, शुभेच्छुक, पत्रकार तथा सम्पूर्ण नेपालीलाई धन्यवाद दिएकी छिन् । साथै अनुष्काले फाइनल राउण्डमा उत्कृष्ट प्रस्तुति दिने बताएकी छिन् । 

विश्वभरबाट छानिएका १ सय २५ देशका सुन्दरी मिस वल्र्डमा २०१९ मा सहभागी थिए । प्रतियोगीताको फाइनल राउण्ड यहि शसनबार अर्थात डिसेम्बर १४ मा हुँदै छ ।