क्वाटरवालीको रात
उनले जता हावा चल्छ त्यतै दियो बाल्छिन् । उनलाई दियो निभ्ने कुरा थाहा छ ।
मानव बेचबिखनको समस्या विश्वभर छ जसबाट नेपाल पनि अछूतो छैन । अझ यो कुरामा बढी पीडित त महिलाहरू नै छन् । बेचविखनसम्बन्धी समस्या महिलाहरूको प्रमुख समस्या नै हो भन्दा फरक पर्दैन । सदियौंदेखि पछाडि पर्दै आएका नेपाली महिला अनेकौं बहाना एवं प्रलोभनमा परेर दलालहरूको सिकार भैरहेका छन् । यो समस्याको प्रमुख कारक चेतनाको अभाव नै हो । चेतनाको स्तर उच्च भएर समाज सभ्य एवं नैतिक नहुन्जेल यस्ता समस्या घट्दैनन् तथापि बलियो कानुन बनाई त्यसको प्रभावकारी कार्यान्वयन गर्ने हो भने यस्ता समस्या धेरै हदसम्म निराकरण गर्न सकिन्छ । यो कुरामा मुख्यत: आम महिलाले पनि परवर्तित समयअनुरूप आफूलाई शिक्षित गराउँदै लानुपर्छ ।
आफ्ना लागि अरूले केही गरिदिँदैनन् । जे पर्छ आफैंले बेहोर्नुपर्छ । त्यसका लागि महिलाहरूबीच तथा पुरुषहरूसँग पनि आफ्नो सशक्तीकरणका लागि ऐक्यबद्धता आवश्यक छ । कतिपय घटनामा महिला–महिलाबीच नै एकता हुन नसक्दा यस्ता समस्या देखिएका छन् र महिलाका शत्रु महिला नै बनेका उदाहरण छन् । त्यसैले आफ्नो चौतर्फी विकासका लागि महिला स्वयं पनि अध्ययनशील, लगनशील, सहनशील, संघर्षशील एवं मेहनती भै सशक्तीकरणको बाटोमा अघि बढ्नु आवश्यक छ । आफूलाई आर्थिक क्रियाकलापमा अग्रसर गराउनुपर्छ । राज्यसत्ताको निर्णायक भूमिकामा पुग्न अग्रसर हुनुपर्छ र सबैभन्दा ठूलो कुरा त आफ्ना लागि आफैंले प्रयास गर्नुपर्छ ।
रश्मि कार्की, हेटौंडा
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |