हालै इन्डोनेशियामा सम्पन्न अन्तर्राष्ट्रिय सौन्दर्य प्रतियोगिता मिष्टर एण्ड मिस कल्चर इन्टनेसनल तथा मिष्टर एण्ड मिस टिन कल्चर इन्टरनेसनल २०२५ मा नेपालका सहभागिता जनाएका सहभागिहरुले सफलता हासिल गरेका छन् । उक्त प्रतियोगितामा टिन विधामा सहभागिता जनाएका विवेक कुमार दनुवारले मिष्टर टिन कल्चर इन्टरनेसनल २०२५ मा सेकेन्ड रनर अप उपाधि जित्न सफल भएका छन् । अन्तर्राष्ट्रिय सौन्दर्य प्रतियोगिताको मञ्चमा दनुवार समुदायबाट सम्भवतः पहिलो पटक उभिएका विवेक यस अघि स्मार्ट गफ एपबाट आयोजना भएको युनाईटेड नेसन्स प्याजेन्ट नेपाल २०२५ डिसिप्लीन र वेष्ट पर्फमेन्स अवार्ड विजेता हुन् ।
यसैगरी मिस टिन कल्चर इन्टरनेसनल २०२५ मा नेपालबाट सहभागिता जनाएकी दिपशिखा लामाले थर्ड रनर अप स्थान हासिल गर्न सफल भएका छन् । यस अघि दिपशिखाले युनाईटेड नेसन्स प्याजेन्ट नेपाल २०२५ मा मिस युनाईटेड नेसन्स नेपाल २०२५ ताज पहिरिएकी थिइन् । मिस कल्चर इन्टरनेसनल नेपाल २०२५ मा नेपालबाट सहभागी भएकी रुथ पाख्रिन तामाङले सोसियल इन्फ्लुन्सरको अवार्ड प्राप्त गरेकी छिन् । स्मार्ट गफ एपकै आयोजनामा सम्पन्न युनिभर्स सुपरस्टार २०२५ मा रुथले अर्गनाइजर च्वाइसको अवार्ड जितेकी थिइन् ।
अन्तर्राष्ट्रिय सौन्दर्यमा सहभागिता जनाउन पूर्व विवेक, दिपशिखा र रुथले संचारकर्मी एवं फेसन कोरियोग्राफर रोजिन शाक्यबाट अन्तर्राष्ट्रिय सौन्दर्य प्रतियोगितामा सहभागिता र प्रस्तुतिसम्बन्धी अभिमूखीकरण तथा प्रशिक्षण प्राप्त गरेका थिए । प्रतियोगिताका लागि नेपाली सहभागिहरुका साथ नेपालका लागि सो प्रतियोगिताको नेसनल डाइरेक्टर प्रमिला सिलवाल तथा इभेन्ट डाइरेक्टर रमेश शाही पनि इन्डोनेसिया पुगेका थिए ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
