नारीप्रधान ‘आमा’,‘माइतीघर’ जस्ता चर्चित चलचित्रबाट नेपाली चलचित्रको इतिहास सुरु भएको पाइन्छ । केही समयसम्म नायकका रूपमा पुरुषलाई नै लिने चलन थियो । चलचित्र भन्नासाथ ‘हिरो, को छ ? भन्ने प्रश्न गर्ने धेरै हुन्थे । पछिल्लो समय त्यो सोचमा परिवर्तन भएको छ । चलचित्रका केन्द्रीय पात्र पुरुष वा नायक मात्र हुँदैनन् भन्ने मान्यता अब धेरैको भइसकेको छ । हाल चलचित्रको प्रचारदेखि पोस्टरसम्ममा एकल नायिकालाई प्रस्तुत गर्न थालिएको छ ।

यसको श्रेय नायिका रेखा थापालाई जान्छ । उनले महिला केन्द्रित चलचित्र निर्माण गरी दर्शकहरूको सोचमा परिवर्तन ल्याएकी हुन् । उनले निर्माण गर्ने चलचित्रमा महिलालाई प्रमुख पात्र बनाउने गरेकी छन् । रेखाले महिलालाई रुवाएर वा शृंगारिक रूपमा चलचित्रमा प्रस्तुत गर्ने आफूले पुरातन मानसिक र परम्परा तोड्न खोजेको बताइन् । ‘चलचित्रमा महिलाहरूलाई शृगांरका रूपमा मात्र लिइन्छ, अब भने हिरोका रूपमा देखाउनुपर्छ,’ उनले भनिन् । चलचित्र सहरमा मात्र होइन कर्णालीदेखि मधेससम्मका कथाहरू आफूले समेट्न खोजेको समेत बताइन् ।

‘हिम्मतवाली’, ‘काली राम्प्यारी’ जस्ता चलचित्र निर्माण गरी उनले महिलालाई प्रमुख पात्रका रूपमा प्रस्तुत गर्न सफल भएकी छन् । पहिले नेपालमा थुप्रै चलचित्र बन्थे । ती चलचित्रको कथामा नायिका निरुता सिंह देखिन्थिन् । चलचित्र ‘चिसो मान्छे’ को पोस्टरमा स्वस्तिमा खड्काको ‘लुक्स’ले चारैतिर चर्चा पायो । उनको ‘गेटअप’ले राम्रो प्रतिक्रिया पायो । सुदूरपश्चिमका महिलाको दृश्य देखाइएको उक्त चलचित्रमा मात्रै होइन त्यसको ‘पोस्टर’ मा समेत उनलाई केन्द्रीय पात्र बनाइयो । महिलाकेन्द्रित चलचित्रका रूपमा ‘चिसो मान्छे’ स्थापित भयो । अभिनेतृ स्वस्तिकाले पनि महिलापात्र बनाउनुका साथै आफ्नो भूमिकालाई थप बलियो बनाउन प्रयास गरेको बताइन् । निर्देशक दीपेन्द्र खनालका अनुसार यो चलचित्र महिला केन्द्रित छ । आफूलाई महिला केन्द्रित चलचित्र बनाउनमा रुचि राख्ने भएकाले पनि महिलालाई ‘बोल्ड’ बनाउने चलचित्र निर्माण गरेको उनले बताए ।

पछिल्लो समय महिलालाई चलचित्रमा ‘बोल्ड’ बनाउन खोज्नु र मौलिक चलचित्र निर्माण गर्ने होडबाजी नै चलेको छ । यसले निर्देशक र निर्माताहरूले पनि गाउँका कथावस्तु खोज्न थालेका छन् । केही वर्षअघि नायिका प्रियंका कार्की ‘सुन्तली’ चलचित्रमा मुख्य भूमिकामा देखिइन् । उनको यो चलचित्रले प्रशस्त प्रशंसा पायो । नारीप्रधान चलचित्रमा उनलाई सबैले रुचाए । उल्लेखनीय रूपमा व्यापार गर्न नसकेपनि नारीमैत्री चलचित्रमा उनको प्रवेश भयो ।

थप लेखहरू

सान्या बनिन् मिस युनिभर्स नेपाल २०२५

मिस वर्ल्ड टुरिजम २०२५ मा नेपालका रेबिका र गरिमाले जिते अन्तर्राष्ट्रिय उपाधि

म्युजिक भिडियोमा डा. अनुश्का

चलचित्र ‘कोहलपुर एक्सप्रेस’ पनि महिलामैत्री चलचित्र बन्यो । प्रियंका कार्की, ऋचा शर्मा र केकी अधिकारी मुख्य भूमिकामा देखिए । महिलाहरूलाई राखेर बनाइएको चलचित्र पनि सफल हुन्छ भन्ने उदाहरण यो चलचित्र बन्न सफल भयो । यसले नायिकाहरूले यसरी महिलालाई केन्द्रमा राखेर बनाउन सके सफल हुन्छ भन्ने सन्देश दिएका थिए । महिला कलाकारले मुख्य भूमिका

पाउँदै जादा महिला निर्देशकहरू पनि चलचित्रमा छाइरहेका छन् । मूलधारमा रेनेसा बान्तवा राई, रेखा थापा र दीपाश्री निरौला सक्रिय छन् । महिला निर्देशकहरूले निर्देशन गर्ने चलचित्रमा महिलाहरूलाई अझै पनि कमजोर देखाउने गरेको चलचित्र समीक्षकहरूले बताउँदै आएका छन् ।