Successfully Copied

‘जोन्टा क्लब’ को वाकाथन

‘जोन्टा क्लब अफ काठमाडौं’ ले महिला तथा बालिकामाथि हुने हिंसा अन्त्यका लागि सक्रियता प्रवद्र्धन गर्न ‘वाकाथन’ आयोजना गरेको छ । दरबारमार्गबाट सुरु भएको ‘वाकाथन’ मा पाँच सयभन्दा बढी सहभागी थिए । सहभागीहरूले वसन्तपुर दरबार स्क्वायरसम्म हिँडेर लैङ्गिक हिंसाविरुद्धको सशक्त सन्देश दिएका थिए ।

‘जोन्टा क्लब अफ काठमाडौं’ ले महिला तथा बालिकामाथि हुने हिंसा अन्त्यका लागि सक्रियता प्रवद्र्धन गर्न ‘वाकाथन’ आयोजना गरेको छ । दरबारमार्गबाट सुरु भएको ‘वाकाथन’ मा पाँच सयभन्दा बढी सहभागी थिए । सहभागीहरूले वसन्तपुर दरबार स्क्वायरसम्म हिँडेर लैङ्गिक हिंसाविरुद्धको सशक्त सन्देश दिएका थिए ।


‘वाकाथन’ संयुक्त राष्ट्र संघको लैङ्गिक हिंसाविरुद्धको १६ दिने अभियानलाई सफल बनाउन आयोजना गरिएको हो । अभियान नोभेम्बर २५ तारिखदेखि डिसेम्बर १० सम्म चलाइन्छ । ‘१६ दिने अभियानले हामीलाई एकताबद्ध हुन र लैङ्गिक हिंसाविरुद्ध आवाज उठाउने मञ्च दिन्छ’ जोन्टाकी अध्यक्ष आभा शाहले भनिन्, ‘सबै क्षेत्रका महिलाहरू दुव्र्यवहारको सिकारको ठूलो हिस्सा बन्न बाध्य छन् । ‘वाकाथन’ र अन्य कार्यक्रममार्फत हामी यस विषयमा सतर्कता सिर्जना गर्ने र घरेलु हिंसाबाट बचेकाहरूलाई समर्थन गर्ने, लैङ्गिक हिंसा अन्त्यका लागि काम गर्ने, कार्यकर्ताहरूलाई एकताबद्ध गर्ने र महिला अधिकार आन्दोलनका लागि एकता कायम गर्नेछौं ।’
लैङ्गिक हिंसा एउटा गम्भीर मानवअधिकार उल्लङ्घन हो । यसले महिलाको कल्याण र उत्पादनशील जीवन जिउने क्षमतालाई असर गर्छ । यसले महिलाहरूको परिवारलाई पनि असर गर्छ र उत्पादकतामा कमी र जीविकोपार्जनका अवसरहरूमा समेत ठूलो प्रभाव पार्छ । प्रत्येक महिलालाई हिंसामुक्त जीवन जिउने अधिकार छ । ‘वाकाथनको माध्यमबाट जोन्टा क्लबले प्रभावकारी रूपमा सञ्चारमाध्यम र युवाहरूलाई लैङ्गिक हिंसाविरुद्ध आवाज उठाउन आह्वान गरेको छ,’२५ जिल्लाकी जोन्टा इन्टरनेसनलकी गभर्नर सिर्जना राणाले भनिन् ।
जोन्टाले १६ दिने अभियान अवधिमा ‘क्युएफएक्स’ सिनेमाघरमा चार छोटो फिल्म देखाइरहेको छ । यी छोटा फिल्महरूले हिंसा÷उत्पीडन र बालविवाह कहिल्यै ठीक हुँदैन भन्ने सन्देश प्रवाह गरिरहेको जोन्टा क्लब अफ काठमाडौं महिला हिंसाविरुद्धको १६ दिने अभियानकी अध्यक्ष विदुषी राणाले बताइन् ।

 Image