कन्टिनेटल परिकार

नारी संवाददाता

मंसिर १२, २०७८

वीर तामाङ

सेफ, लव स्टेसन रेस्ट्रो बार, हात्तीसार

 

चिकेन क्युजी

सामग्री : चिकन लेग पिस, ड्राइफ्रुट्स, स्टिम गोल्डेन सेलर चामल, आलु, गाजर, बटर, घिउ, सेतो मरिचको धूलो (ह्वाइट पेपर), कालो मरिचको धूलो, टोम्याटो सस, नुन स्वादअनुसार, कागती, धनियाँ, प्याज, हरियो खुर्सानी ।

विधि : सबैभन्दा पहिले चिकेनको लेग पिसलाई टमाटरको सस, नुन र दुवै मरिचको धूलो, थोरै कागतीको रस राखेर मेरिनेट गर्ने । त्यसपछि आलु र गाजरलाई उसिन्ने र स–साना टुक्रा पारेर काट्ने । अब यी सबै सामग्री फ्राई प्यानमा राख्ने र त्यसमा बटर र घिउ हालिदिने । केही समय फ्राई गरिसकेपछि लेग पिस पनि राखेर फ्राई गर्ने । त्यसमाथि राइस राखिदिने । एउटा ठूलो प्लेटमा राखेर माथिबाट लेग पिस राखिदिने र त्यसमाथि हरियो धनिँया, काटेको प्याज राखेर सजाइदिने । यो अरेबिक मेन कोर्स हो । अब यसमा गोलभेंडा, हरियो खुर्सानी र धनियाँको नेपाली फ्लेवर दिने अचारसँग खान सकिन्छ । 

 

क्रम्बड फ्राइड चिकेन 

सामग्री : कुखुराको मासु, नुन, हुप्स वोएस्टर थाई सस, अमेरिकन गार्डेन सस, हवइट पेपर, मैदा, कर्नफ्लोर, ब्रेड क्रम्ब, तेल, गार्निसका लागि मौसमी तरकारी ।

विधि : पहिले मासुलाई स्लाइस गरी काट्ने । त्यसपछि मासुलाई मेरिनेट गर्ने । मेरिनेट गर्नका लागि नुन र हुप्स वोएस्टर थाई सस, अमेरिकन गार्डेन सस, हवइट पेपर, मैदा हालेर मोल्ने । केही समय राखेर कर्नफ्लोर, ब्रेड क्रम्बमा डुबाउँदै तेलमा खैरो रंगको हुनेगरी फ्राई गर्ने र त्यसलाई माथिबाट गार्निस गरेर सर्भ गर्ने । यो इटालियन फुड हो ।

 

मिट बल विथ बफेलो सस

सामग्री : कुखुराको छातीको भाग, मरिचको धूलो, नुन, मैदा, कर्नफ्लोर, प्याज, भेँडेखुर्सानी, हरियो खुर्सानी, लसुन, अण्डा, ओयस्टर थाई सस, केचप, सोया सस, भेनेगर, हट सस

विधि : कुखुराको छातीको भागलाई काट्ने (फाइन चप) । त्यसमा मरिचको धूलो, नुन, मैदा, अण्डा र कर्नफ्लोर हालेर मेरिनेट गर्ने । केही समय राखिसकेपछि तेलमा डिप फ्राई गर्ने । अब बफेलो सस बनाउने । यसका लागि प्याज, भेँडेखुर्सानी, हरियो खुर्सानी, लसुन, ओयस्टर थाई सस, केचप, सोया सस, भेनेगर, हट सस, नुन राखेर बफेलो सस बनाउने । त्यसपछि गार्निस गरेर माथिबाट तिल राखेर सर्भ गर्ने ।

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>