शिवचन्द्र स्मृति प्रतिष्ठान, महोत्तरीको आयोजनामा सम्पन्न एक समारोहमा प्रा. डा. चन्दा कार्की भण्डारी, प्रा. डा. हिरा तुलाधर तथा प्रा.डा. सुमनराज ताम्राकारको सहलेखनमा ‘इसेन्सियल इन्स्ट्रुमेन्ट’ ईन अब्सटेट्रिक्स एन्ड गाईनेकोलोजी’ र प्रा. डा. चन्दा कार्की भण्डारीद्वारा लिखित कविता संग्रह ’छचल्किएका भावनाहरु’ लोकार्पित भयो । पुस्तकको लोकार्पण विशिष्ट अतिथिहरु डा. बेनु बहादुर कार्की, प्रा. डा. ज्ञानेन्द्र मान सिंह कार्की, डा. सपना अमात्य, प्रतिनिधि सभा सदस्य श्रीमती कामिनी चौधरी, पूर्व सांसद बिन्ध्यवासिनी कंसाकारले संयुक्त रुपमा गरेका थिए ।
उक्त प्रतिष्ठानका उपाध्यक्ष राजन सिंह भण्डारीले स्वागत मन्तव्य, प्रतिष्ठान परिचय तथा कार्यक्रमको उद्देश्य माथि प्रकाश पारे । त्यसैगरी लेखक प्रा. डा. चन्दा कार्की भण्डारीले दुवै पुस्तकको भाव र उद्देश्यबारे प्रष्ट पारिन् भने किस्ट मेडिकल कलेजका प्रा. डा. हिरा तुलाधर र धुलिखेल अस्पतालका प्रा. डा. सुमनराज ताम्राकारले सहलेखनको अनुभव सुनाएका थिए ।
प्रा.डा.सानुमैया दली, प्रा. डा. सरस्वती पाध्ये लगायतले शुभकामना मन्तव्य राखेका थिए । यसैगरी डा. बेनु बहादुर कार्की, प्रा. डा. ज्ञानेन्द्र मान सिंह कार्की, डा. सपना अमात्य, प्रतिनिधि सभा सदस्य श्रीमती कामिनी चौधरी, पूर्व सांसद बिन्ध्यवासिनी कंसाकारले पुस्तकले समाजमा पार्ने प्रभाव, लेखक प्रा. डा. चन्दा कार्की भण्डारीको सक्रियता र योगदान माथि प्रकाश पारे । उक्त पुस्तकको बिक्रिबाट संकलित रकम शिवचन्द्र स्मृति प्रतिष्ठानबाट संचालन गरिने सामाजिक कार्यमा प्रयोग गरिने जानकारी दिइयो ।
