स्तन क्यान्सरबाट बचाउने म्यामोग्राम उपाय  

उपासना घिमिरे

वैशाख २४, २०७७ डा. अरुण शाही, क्यान्सर रोग विशेषज्ञ, पाटन स्वास्थ्य विज्ञान प्रतिष्ठान 

केही समय अघि ५५ वर्षीया मीना शर्मा (नाम परिवर्तन) को दाँया स्तनमा छाम्दा गाँठागुठी देखा पर्‍यो । पछि उपचार गराउँदा उनलाई पहिलो स्टेजको क्यान्सर भएको रहेछ । समयमै पत्ता लागेकाले उपचारपछि उनको क्यान्सर निको भयो । अमेरिकन क्यान्सर सोसाइटीका अनुसार प्रत्येक आठ जना महिलामध्ये एक जनालाई स्तन क्यान्सर हुने संभावना रहन्छ । स्तन क्यान्सर सुरुकै अवस्थामा पहिचान भएमा शत प्रतिशत निर्मूल पार्न सकिन्छ । त्यसैले यसबाट बच्ने र हुन नदिने उपायमा ध्यान पुर्‍याउनुपर्छ । 

महिलामा स्तन क्यान्सर भए नभएको पत्ता लगाउन म्यामोग्राम जाँच गराउनुपर्छ । म्यामोग्राम स्तन क्यान्सरको एक्सरे जस्तै जाँच हो । महिलाको उमेर ४५ वर्ष छ भने ४५ वर्षभन्दा बढी ६५ वर्ष उमेर छ भने दुई वर्षमा एकपटक म्यामोग्राम गर्न सकिन्छ । स्तन क्यान्सरको लक्षण भएका वा नभएकाले पनि पनि म्यामोग्राम गर्न सकिन्छ । 

महिलाको उमेर ४० देखि ४५ वर्षको छ परिवारमा कसैलाई स्तन क्यान्सर भएको छ भने पनि स्तन क्यान्सर हुने संभावना रहन्छ । यसैगरी स्तनमा छाम्दा नयाँ गाँठागुठी भेटिएमा, रगत देखा परेमा वा अन्य लक्षण देखिएमा चिकित्सकको परामर्श लिनुपर्छ । त्यसैले म्यामोग्रामको फाइदा र बेफाइदाको बारेमा बुझेर म्यामोग्राम गर्न सकिन्छ । 

४० वर्षभन्दा कम उमेरका महिलाले म्यामोग्राम भन्दा पनि स्तनको भिडियो एक्सरे (अल्ट्रासाउन्ड) गर्नुपर्छ । यसैगरी ४० वर्षको उमेरभन्दा कम छ परिवारमा दिदीलाई, आमालाई स्तन क्यान्सर भएको छ भने भिडियो एक्सरे गरेर चिकित्सकको सल्लाह अनुसार एमआरआई पनि गर्न सकिन्छ । 

स्तन क्यान्सरबाट बच्ने एकमात्र उपाय सुरुको अवस्थामा पहिचान गर्नु नै हो । सुरुको अवस्थामा पहिचान गर्नका लागि अहिलेसम्मको ‘गोल्ड स्ट्यान्डर्ड’ म्यामोग्राम नै हो । त्यसैले सबैले म्यामोग्राम गर्नु जरुरी छ । म्यामोग्राम समयमै गरेमा स्तन क्यान्सरमुक्त देशको कल्पना गर्न सक्छौ । 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>