पचास वर्षभन्दा माथिका  महिलामा छिटो बुढ्यौली 

नारी संवाददाता

भाद्र ५, २०७६  

हालसालै गरिएको अनुसन्धानअनुसार ५० वर्षसम्म महिला तथा पुरुषको छालामा उस्तै प्रभाव परे पनि त्यसपछि महिलामा तीव्र गतिले उमेरको असर देखापर्न थाल्छ । पुरुषमा भने त्यसपछि बुढ्यौलीको प्रभाव सुस्त हुन्छ । 

भियना युनिभर्सिटीका अनुसन्धानकर्ताहरूले उक्त कुरा पत्ता लगाएका हुन् । उनीहरूले २६ देखि ९० वर्षका ८८ जना महिला तथा पुरुषलाई आफ्नो अध्ययनमा समावेश गरेका थिए । अध्ययनका क्रममा कम्प्युटरको सहायताले उनीहरूका अनुहारका छ सयवटा भिन्दाभिन्दै खण्डको विश्लेषण गरिएको थियो । 

साधारणतया ५० वर्षको उमेरपछि महिलाको महिनावारी सुक्छ । यतिबेला शरीरमा इस्ट्रोजन हार्मोन कम हुने भएकाले अनुहारमा मुजा देखापर्न थाल्छ । यसले गर्दा उमेरको असर तीव्र रूपमा देखिन्छ भने अनुहारको बोसोसमेत घट्छ । 

अनुसन्धानअनुसार महिलाहरूमा वृद्ध उमेरको प्रभाव ५० वर्षमा तीव्र रूपले हुन थाल्छ र ६० वर्षको उमेरपछि त्यस्तो प्रभाव पुनः कम हुन्छ । त्यसपछि बिस्तारै चिउँडोको छेउछाउको छाला खुम्चन थाल्छ ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>