नेपालमा सन् २००० देखि सजावटी रंग उत्पादन गर्दै आएको बर्जर जोन्सन एन्ड निकल्सन (नेपाल) ले आफ्नो ग्राहक योजना अभियान बर्जर पेन्ट एक्सप्रेसका विजेताहरूको नाम घोषणा गरेको छ ।
बर्जर पेन्ट्स नेपालमा सजावटी रंगहरूमा अग्रणी रहँदै आएको छ । यसले सधै नवीनतम खोजका उत्पादनहरू बजारमा प्रस्तुत गर्ने गरेको छ भने उत्साहवर्द्धक ग्राहक योजनामार्फत ग्राहकहरूलाई अनुपम कोसेली प्रदान गर्ने क्रमलाई निरन्तरता दिँदै आएको छ ।
बर्जरको पेन्ट एक्सप्रेस योजना २०७५ सालको दसैं–तिहारलाई लक्षित गरेर संचालन गरिएको थियो । यो योजनाअन्तर्गत बर्जर पेन्ट्सका ग्राहकहरूले छानिएका मुख्य ब्रान्डहरू खरिद गर्दा १०० वर्ग फिटसिल्कइलुसनडिजाइनर फिनिसको पक्कापक्की उपहारका साथै गोलाप्रथा र डिजिटल प्रतियोगितामार्फत अन्य आकर्षक नगद पुरस्कारहरू जित्ने अवसर पाएका थिए ।
योजनामा सहभागी ७ हजार ५ सयभन्दा बढी घरधनीमध्येबाट २० जना विजेताको नाम हालै एक प्रत्यक्ष प्रसारण कार्यक्रममा गोलाप्रथामार्फत सार्वजनिक गरिएको थियो । त्यसमा बुटवलका अर्जुन अर्यालले ५ लाखको बम्पर लक्की ड्र जितेका छन् भने काठमाडौंका कृष्णबहादुर सन्त्याल पुन तथा नारायणगढका दिनेश श्रेष्ठले १–१ लाख हात पारेका छन् । यो योजनाअन्तर्गतकै डिजिटल प्रतियोगितामा काठमाडौंका रोशन थापा तथा विराटनगरका सुरेश कटवालले १ लाख रुपैयाँको प्रथम नगद पुरस्कार जितेका छन् ।