बालबालिकाको स्वाभाविक विकास हुन दिऊँ

नारी संवाददाता

जेष्ठ १४, २०७३

बालबालिकाको आदर्श उनीहरू आमाबाबु हुने गर्छन् । आमाबाबुले उनीहरूका अगाडि जस्तो व्यवहार गर्छन्, उनीहरू त्यसैको अनुकरण गर्छन् । त्यसकारण घरपरिवारमा सदैव रमाइलो र खुसियालीयुक्त वातावरण बनाउने कोसिस गर्नुपर्छ । यसको सकारात्मक प्रभाव बालबालिकाको व्यक्तित्व विकासमा देखा पर्छ । यस्तै कुनै बालबालिकाले राम्रो काम गरे उसलाई स्यावासी दिने तथा पुरस्कृत गर्ने तथा गलत काम गरे प्रेमपूर्वक सम्झाएर सही मार्गमा ल्याउने प्रयत्न गर्नुपर्छ । साथै आमाबाबुले बालबालिकालाई आफूहरू उनीहरूका असल शुभचिन्तक एवं साथी भएको र कहिल्यै अहित चाहँदैनन् भन्ने कुराको बोध गराउन सक्नुपर्छ । उनीहरूमाथि जबर्जस्ती आफ्ना कुरा लाद्ने प्रयास कदापि गर्नु हुँदैन बरु स्वाभाविक ढंगले व्यक्तित्व विकास हुन दिनुपर्छ । यसो गर्न सके आमाबाबुको दायित्व पूरा हुने मात्र नभै बालबालिकाको भविष्य पनि उज्ज्वल हुन्छ ।

समिता राजभण्डारी, कलंकी

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>