‘शिल्पाञ्जलि’ प्रदर्शन
काठमाडौंस्थित नेपाल आर्ट काउन्सिलमा हालै सपना खरेलको ‘शिल्पाञ्जलि’ कला प्रदर्शनी भयो । प्रदर्शनीमा उनले जापानी शैलीअनुसार पुष्प सजावट गर्ने कला प्रस्तुत गरिन् । प्रदर्शनीमा‘ओसिबाना’ र ‘चिगिरी–ई’ अन्तर्गतका कला राखिएको थियो ।
सातै प्रदेशका जनप्रतिनिधिसहित विविध क्षेत्रका अगुवा महिलाहरूले डोल्पाको विकट फुक्सुन्डो क्षेत्रको पदयात्रा गर्ने भएका छन् । जलवायु परिवर्तनले महिलाको जनजीवन र पर्यटन क्षेत्रमा पारेको असरबारे ध्यानाकर्षण गराउने उद्देश्यले ६० जना महिला उक्त पदयात्रामा सहभागी हुने भएका छन् । पदयात्रा आगामी अक्टुबरमा हुने भएको छ ।
गत वर्ष अन्तर्राष्ट्रिय नारी दिवसको अवसर पारेर ‘साथसाथै फाउन्डेसन’ले ‘वुमन युनाइटेड फर क्लाइमेट जस्टिस’ को नारासहित कालापत्थरमा महिला दिवस मनाएको थियो । उक्त टोलीमा विभिन्न क्षेत्र का ४० महिला सहभागी थिए । सोही संस्थाको आयोजनामा गत महिना काठमाडौंमा सम्पन्न कार्यक्रममा फुक्सुन्डो क्षेत्रको पदयात्रा गर्ने घोषणा गरिएको थियो ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |