नेपाली सुन्दर तथा सुन्दरीहरु अन्तर्राष्ट्रिय सौन्दर्य प्रतियोगितामा सहभागि हुने क्रम बढ्दो छ । यही मेसोमा सिंगापुरमा आयोजना हुँदै आएको विवाहित महिलाहरुको अन्तर्राष्ट्रिय सौन्दर्य प्रतियोगिता टिकेएस मिसेस् इन्टरनेसनल २०१८ मा सहभागी हुनका लागि नेपालका तर्फबाट तीन जना मिसेस् सुन्दरी सिंगापुर प्रस्थान गरेका छन् ।
रिबन इन्टरटेन्मेन्ट प्रा.लि.को संयोजन र व्यवस्थापनमा उक्त प्रतियोगितामा नेपालको तर्फबाट प्रतिस्पर्धा गर्नेहरुमा सुरुची पाण्डे, एलिजा महर्जन र चन्दा थापा गिरी रहेका छन् । सुरुची रिबन इन्टरटेन्मेन्टको आयोजनामा सम्पन्न मिसेस् नेपाल इन्टरनेसनल २०१७ का विजेता हुन् भने चन्दा थापा गिरी मिसेस नेपाल इन्टरनेसनल २०१८ का विजेता हुन् ।
यसैगरी एलिजा महर्जन भने ग्ल्याम वल्र्ड इन्टरटेन्मेन्टको आयोजनामा सम्पन्न मिसेस् नेपाल ग्ल्याम २०१८ का विजेता हुन् । टिकेएस् मिसेस् इन्टरनेसनल २०१८ प्रतियोगिता १२ औं संस्करण हो र यो अक्टोबर २८ देखि नोभेम्बर ३ भित्र सिंगापुरमा संचालन हुनेछ । प्रतियोगितामा नेपाल बाहेक विश्वका अन्य दुई दर्जन राष्ट्रका मिसेस् सुन्दरीहरुको सहभागिता रहनेछ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
