नेपालको हस्पिटालिटी विश्वमै प्रख्यात
हामी नेपालीको स्वभाव हँसमुख छ । हामी मिजासिला छौं । हामीकहाँ प्राकृतिक सुन्दरता उत्तिकै छ । हाम्रो कला–संस्कृति, संस्कार, पर्व र प्राकृतिक सुन्दरतालाई संसारभर चिनाउनुपर्छ ।
जाडोमा कस्ता पहिरन लगाउनुपर्छ ?
अहिले बिस्तारै चिसो बढिरहेको छ । न्याना पहिरनले शरीरलाई चिसोबाट जोगाउँछन् । त्यसैले जाडोमा न्याना पहिरन लगाउनुपर्छ ।
जाडोका लागि कस्ता फेब्रिक छनोट गर्नुपर्ला ?
जाडोका लागि बजारमा विभिन्न फेब्रिक उपलब्ध छन् । फलाटिन तथा ढाका उपयोगी मानिन्छ । त्यसमा पनि जाडोका लागि ढाका सबैभन्दा उपयोगी हुन्छ ।
ढाकाका पहिरन प्रयोग गर्दा के फाइदा हुन्छ ?
ढाका प्रयोग गर्दा नेपाली उत्पादन स्वदेशमै खपत हुन्छ । ढाका निकै तातो हुन्छ । अहिले विभिन्न शैलीका पहिरन ढाकाद्वारा तयार गरिन्छ । ढाकाको पहिरन सबैलाई सुहाउँछ र शरीरमा कुनै किसिमको एलर्जी पनि हुँदैन ।
बजारमा ढाकाका कुन–कुन पहिरन उपलब्ध हुन्छन् ?
अहिले विशेषगरी ढाकाका पछ्यौरा, साडी, गलबन्दी, स्कार्फ एवं पन्चु आदि लोकप्रिय छन् । अर्डरअनुसार अहिले अरु फेब्रिकजस्तै ढाकाका विविध परिधान उपलब्ध छन् ।
अरू फेब्रिकभन्दा ढाका केही महँगो छ भनिन्छ नि ?
पहिले हो । पाल्पाली ढाका केही महँगो हुन्थ्यो । अहिले नेपालका धेरै स्थानमा ढाका उत्पादन हुन्छ । त्यसैले पहिलेजस्तो महँगो छैन ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |