सोमबार, चैत्र ३० गते साँझ होटल सोल्टी क्राउन प्लाजाको मेघा मल्हार प्रेक्षालयमा नमूना कलेज अफ फेसन टेक्नोलोजीमा फेसन डिजाइनङिमा स्नातक अध्ययनरत १५औं ब्याचका ७९ जना विद्यार्थी डिजाइनरहरुको सृजनशीलता र परिकल्पनामा पोखिएका अनेकन् सुन्दर एवं आकर्षक पहिरनहरुका स्वरुप र शैली प्रस्तुत गरिएको थियो । यस पटकको ग्राजुएसन फेसन सोले नारीको साहस, आत्मवश्विास,क्षमता, त्याग, समर्पण, सहनशीलता, वात्सल्यता, धैर्यता, निर्भीकता, निडरता, विनम्रता लगायतका नारी जीवन र व्यक्तित्वका बहुआयामिक गौरवशाली पक्षहरुलाई ‘अस्तित्व’ शीर्षकअन्तर्गत आठ वटा विभिन्न सक्विेन्स मार्फत् पहिरनका विभिन्न स्वरुप, डिजाइन र शैलीमार्फत् उजागर गरएिको थियो ।  ७९ वटा पहिरनहरुमा चाहे त्यो फेब्रिक छनोट होस् वा रंगको सम्मिश्रण, डिजाइन र शैलीको विविधता होस् हरेक पहिरनले नारी व्यक्तित्वलाईआकर्षक ढंगबाट प्रस्तुत गरिएको थियो । चार वर्षे फेसन डिजाइनिङ सम्बन्धी स्नातकतहको ब्याचलर अफ फेसन डिजाइन एण्ड म्यानेजमेन्टको अन्तिम परीक्षा अन्तर्गतको उक्त फेसन सोको अर्को महत्वपूर्ण पाटो मास्कको फेसन पनि रह््यो । हरेक पहिरनसित सुहाउँदो मास्क सहित मोडलहरु मञ्चमा उत्रिदा हलको कोभिड १९ को जटिल परिस्थितिलाई पनि सुन्दर रुपमा सम्बोधन गर्न खोजिएको थियो ।

यस बाहेक सो फेसन कार्यक्रममा नेपालमै पहिलो पटक मोडलले लगाएको पहिरनकै हुबहु स्वरुपमा सजाइएको पुतली सहित हरेक पहिरनका सृजनाकर्ता पनि स्टेजमा प्रस्तुत हुँदा कार्यक्रममा थप रौनकता संचार भएको थियो । नमूना कलेज अफ फेसन टेक्नोलोजीका संस्थापक प्रिन्सिपल ज्ञानी शोभा तुलाधर सहित मोडलहरु रनवेमा उपस्थिति भएसँगै शुभारम्भ भएको उक्त फेसनमययात्रा कार्यक्रमका कोरियोग्राफर रोजिन शाक्यको रनवे हिडाई पछि बिट मारेको थियो । उक्त फेसन कार्यक्रममा २० जना युवती मोडलहरुले प्रस्तुती दिएका थियो । जस अन्तर्गत व्यवसायकि मोडलहरु र नमूना कलेजमै विभिन्न सेमेष्टरमा अध्ययरनत विद्यार्थी डिजाइनरहरु थिए ।

तस्बिरहरु: महेश प्रधान