कलिङ महोत्सवमा दक्षिण एसियाका तीन सय लेखक सहभागी हुँदै
दक्षिण एसियाका तीन सयभन्दा बढी लेखक तथा विज्ञहरुको उपस्थिति रहने महोत्सवको उद्घाटन पर्यटन तथा संस्कृतिमन्त्री बद्री पाण्डेले गर्ने आयोजकद्वारा जारी विज्ञप्तिमा जनाइएको छ।
जोय मोडल हन्ट नेपालको नवौं संस्करण दरबारमार्गस्थित होटल याक एण्ड यतिमा सम्पन्न भएको छ । ३३ युवती र १७ युवा सहभागी उक्त मोडलिङ प्रतियोगितामा पुरुषतर्फ विवश विष्ट तथा महिलातर्फ नेहा बुढाले शीर्ष उपाधि जित्न सफल भए । विजेता दुवैले विभिन्न पुरस्कारका साथ क्याम्बोडियामा संचालन हुने मिस्टर एण्ड मिस सेलिब्रेटी इन्टरनेसनल २०२५ मा नेपालको तर्फबाट सहभागिता जनाउने अवसर पनि जुराएका छन् । प्रतियोगितामा आदित्य थपलिया र मोना केसी फस्ट रनर अप तथा एलेन डंगोल र चाँदनी श्रेष्ठ सेकेन्ड रनर अप चयन भएका थिए । प्रतियोगिताको टप फाइभसम्मको यात्रामा पुरुषतर्फ मनीष गौतम र प्रसुनकुमार तथा महिलातर्फ पूजा सिंह राजपूत र रानी खड्का पुगेका थिए ।
नेक्स्ट मोडल्स नेपालको आयोजना रहेको कार्यक्रमको निर्देशन रवि धमला र यतना पाण्डेले गरेका थिए । कोरियोग्राफीको अभिभारा सविता कार्कीले सम्हालेकी थिइन् भने संचारकर्मी एवं फेसन कोरियोग्राफर रोजिन शाक्यले सञ्चालन गरेका थिए ।
प्रतियोगितामा आवरण मोस्ट स्टाइलिस अवार्ड मनीष गौतम र जेनिता सेन्चुरीले प्राप्त गरे भने केएफसी बेस्ट पर्सनालिटी विधामा सुजल श्रेष्ठ र डा. अनिमा भण्डारी उत्कृष्ट ठहरिए । रियलमी वेस्ट वाक विधामा छेवाङ शेर्पा र पूजा सिंह राजपूत बाजी मार्न सफल भए भने द बीच हाउस पब्लिक च्वाइसतर्फ आदित्य कौशल र सारु कार्की डोली परियार विजेता बने । आर्टेसियम प्रोडक्सन मोस्ट फोटोजेनिकतर्फ प्रसुनकुमार र अनुजा पौडेल, रिगाल फिटनेस मोडलतर्फ आयन चौधरी र बेस्ट फिगरमा नेहा बुढा विजेता चयन भए । विवश विष्ट र चाँदनी श्रेष्ठले क्यान्टाविल टप मोडलको अवार्ड प्राप्त गरे भने खल्ती मोस्ट पपुलर विधामा कृतिका खड्का र खेमराज पोखरेल विजयी भए ।
पूर्वमिस नेपालद्वय माल्भिका सुब्बा र नम्रता श्रेष्ठ, मिस्टर नेपाल २०२४ का विजेता सन्तोष लोक्सम लिम्बू, जोय कस्मेटिक्सका नेपाल प्रमुख मदन रौनियार, फेसन कोरियोग्राफर मनीष राई तथा सुपरमोडल एवं फेसन कोरियोग्राफर आस्था पोखरेलले फाइनल प्रतिस्पर्धाको मूल्यांकन गरेका थिए ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |