सुरुमा क्यामेरा फेस गर्न गाह्रो थियो
कला क्षेत्र छोटो समयमै मानिसहरूलाई चिनाउने क्षेत्र हो । आफूलाई कसरी अगाडि बढाउने भन्ने कुरामा व्यक्ति स्वयंमा पनि भर पर्दोरहेछ ।
अहिलेको परिप्रेक्षमा नेपाली सुन्दर तथा सुन्दरीहरुले अन्तर्राष्ट्रिय स्तरका प्राय: सबैजसो सौन्दर्य प्रतियोगिताहरुमा नेपालको प्रतिनिधित्व गरेको देखिन्छ । यही परिवेशमा हाल मलेसियामा संचालन भइरहेको मिस टुरिजम इन्टरनेसनल २०१८ मा नेपालका तर्फबाट आस्था साख:ले प्रतिस्पर्धा गरिरहेकी छिन् । प्रतियोगितामा नेपाल लगायत विश्वका ४६ देशका सुन्दरीहरु २१ औँ संस्करणको इन्टरनेसनल पर्यटन सुन्दरीको उपाधि दौडमा छन् ।
भक्तपुर चुनदेवी निवासी २३ वर्षिया आस्था साख: यस अघि फिलिपिन्सको मनिलामा गएको सेप्टेम्बर १४ देखि अक्टोबर ४ सम्म संचालन भएको ५० औँ संस्करणको मिस एशिया प्यासिफिक इन्टरनेसनल २०१८ मा नेपालका तर्फबाट सहभागि भएकी थिइन् । आस्था सन् २०१२ मा मिस टिन प्रतियोगितामा सहभागि भएकी थिइन् भने उनी मिस नेपाल २०१८ की पनि प्रतिस्पर्धी हुन् ।
उनले मिस नेपाल २०१८ मा मिस कन्फिडेन्टको अवार्ड जित्न सफल भएकी थिइन् । एस इन्स्टिच्युट अफ म्यानेज्मेन्टबाट बिबिए अध्ययन पूरा गरेकी आस्था नेपाल पेन्ट्समा प्रबन्ध निर्देशकका रुपमा कार्यरत छिन् । पाँच फिट सात इन्च अग्लो शरीर भएकी आस्था पौडी, शपिङ, बास्केटबल खेलमा रुचि राख्दछिन् ।
मिस टुरिजम इन्टरनेसनल २०१८ को फाइनल प्रतिस्पर्धा यही डिसेम्बर महिनाको २१ तारिखमा मलेशियाको बन्डार सनवे स्थित सनवे रिसोर्ट होटल एण्ड स्पाको ग्राण्ड बलरुमा संचालन हुनेछ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |