होली भन्ने बित्तिकै हामीलाई रङ, अबिर, मीठा परिकार तथा भाङको सम्झना आउँछ । यो पर्वको मज्जा गर्भवतीहरू पनि उठाउन चाहन्छन् ।
गर्भवतीहरूले भागदौड गर्नुभन्दा सजग भएर होली खेल्न सक्छन् ।
यो दिन तराईतिर होलिका जलाउने चलन भएकाले होली खेल्दा नाइलन तथा सिन्थेटिकका पहिरन होइनकी आगो नटिप्ने कटनका पहिरन लगाउनुपर्छ ।
होलीमा प्रयोग गरिने कमसल रङमा मर्करी सल्फेट प्रयोग गरिन्छ जसले गर्भस्थशिशुको वृद्धिमा असर पर्छ तसर्थ त्यस्तो रङ प्रयोग गर्नुहुँदैन ।
रसायनिक रंगले समय अगावै बच्चा जन्मिने संभावना हुन्छ ।
यसैगरी हरियो रंगमा मिसाइने कपर सल्फेटले आँखा चिलाउने, सुन्निने तथा रातो बनाउने काम गर्छ । यसले शिशुको स्वभाविक वृद्धिमा असर पार्नुका साथै हड््डी कमजोर भै गर्भपतन समेत गराउने संभावना हुन्छ ।
होलीमा पानी पनि खेलिने भएकाले चिप्लिने संभावना हुन्छ । चिप्लिदा गर्भमा रहेको शिशु तथा महिलालार्ई नकारात्मक असर पर्न सक्छ ।
प्राकृतिक रङ नै प्रयोग गरी होली खेल्नुपर्छ ।
होलीमा रंगका साथै मीठा परिकारहरू पनि खाइन्छ । धेरै मात्रामा गुलिया खानेकुरा खाँदा गर्भावस्थामा मधुमेह (जेस्टेसनल डायबेटिज) देखापर्न सक्छ ।
धेरै मसालेदार तथा चिल्ला खानेकुरा खानुहुँदैन । यसैगरी भाङ, गाँजा, मद्यपान आदि सेवन गर्दा गर्भस्थ शिशुको मस्तिष्क तथा स्नायुप्रणालीमा असर पर्न सक्छ ।
गर्भवती महिलाले होसियार भै होली खेल्नुपर्छ । भैपरी आउने कुराका लागि इमरजेन्सी किट तथा चिकित्सकको नम्बर पनि तयार राख्नुपर्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
