मटन तास
विधि : माथि तयार पारेको सबै सामग्री मासुमा हालेर मोल्ने र ४५ देखि ६० मिनेटसम्म फ्रिजमा राख्ने । त्यसपछि घरमा उपलब्ध भएको फ्राइ प्यान वा तावामा तोरीको तेल हालेर फ्राई गर्ने ।
अमिका क्षेत्री, कलाकार
फ्रुट सलाद
सामग्री
छ सय ग्राम दही, दुई सय ५० ग्राम डबल क्रिम, एक सय ग्राम अंगुर, एक सय ग्राम आँप, दुईवटा केरा, दुई सय ग्राम स्याउ, एक सय ग्राम अनार, सुकमेलको धूलो १० ग्राम, चिनी आवश्यकतानुसार ।
विधि
दही र क्रिमलाई कचौरामा राखेर घोल्ने । त्यसपछि माथिका फलफूल मसिनो गरी काटेर त्यसमा मिसाउने । यसपछि फ्रुट सलाद खानका लागि तयार हुन्छ । यो सलाद स्वस्थ हुनुका साथै शरीरमा शीतलता प्रदान गर्छ ।
चिकेन तन्दुरी
सामग्री
सात सय ग्राम चिकेनको फिला ।
दुई चम्चा मिक्स मसला (जिरा धनियाँ, गरम मसला)
सानो कचौरा दही, सानो चम्चा टिम्मुरको धूलो, काश्मिरी खुर्सानीको धूलो । ठूलो एक चम्चा, खुर्सानीको धूलो, सानो एक चम्चा । लसुन–अदुवा पिसेको दुई चम्चा । कागती चार वटा । नुन स्वादअनुसार ।
विधि
माथिका सबै सामग्री मिसाएर मोल्ने र मेरिनेट गरेको चिकेनलाई दुई घन्टा फ्रिजमा राख्ने । दुई सय डिग्री सेल्सियसमा २० मिनेट एअर फ्रायरमा राख्ने । त्यसपछि चिकेन तन्दुरी तयार हुन्छ । माथिबाट हरियो धनियाँले सजाउने । यो तन्दुरी चिल्लोरहित हुने भएकाले स्वस्थ हुन्छ । तीजमा दिदीबहिनी भेट हुँदा दरका रूपमा पुलाउसँग यो खान सकिन्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |