दरका परिकार
फ्रुट सलाद : सामग्री : छ सय ग्राम दही, दुई सय ५० ग्राम डबल क्रिम, एक सय ग्राम अंगुर, एक सय ग्राम आँप, दुईवटा केरा, दुई सय ग्राम स्याउ, एक सय ग्राम अनार, सुकमेलको धूलो १० ग्राम, चिनी आवश्यकतानुसार ।
हनी ग्लेज्ड चिकेन
सामग्री : चिकेन ब्रेट आधा केजी, सोया सस १ चिया चम्चा, हनी (मह) ३ चिया चम्चा, हरियो खुर्सानी ४–५ वटा, हरियो प्याज १० ग्राम, कर्नफ्लोर २ चम्चा, मरिच एक चिम्टी, नुन स्वादअनुसार, तेल आवश्यकताअनुसार, लसुन १ चम्चा ।
विधि : चिकेन ब्रेस्टलाई एउटै साइजमा काटेर नेपकिनको सहायताले पानी सोस्ने । कर्नफ्लोरमा मरिच मिक्स गरी चिकेनमा मिक्स गर्ने । प्यानमा तेल तताई चिकेनलाई खैरो हुन्जेल फ्राई गर्ने । अर्काे प्यानमा तेल हालेर १ चम्चा लसुन, हनी तथा सोया सस हालेर चिकेनलाई चलाउँदै पकाउने । हरियो खुर्सानी तथा हरियो प्याज मसिनो गरी काटेर गार्नेस गर्ने ।
एमा डात्सी
सामग्री : प्याज २ वटा, क्याप्सिकन २ वटा, गोलभेंडा २ वटा, बोडी ५–६ वटा, मोजोरोला चीज २ सय ग्राम, लसुन ५ ग्राम, नुन–मरिच स्वादअनुसार ।
विधि : पानीमा केही थोपा तेल हालेर प्याज, क्याप्सिकन, गोलभेंडा, बोडी तथा लसुन उसिन्ने । १५ मिनेटपछि त्यसमा मोजोरोला चीजसँगै नुन र मरिच हालेर एकछिन पकाउने । यो परिकार पुलाउ, भात वा चिउरासँग पनि खान सकिन्छ ।
पनिर ग्रेभी
सामग्री : पनिर २ सय ग्राम, गोलभेंडा १ सय ग्राम, अदुवा र लसुन ५० ग्राम, प्याज १ वटा, खुर्सानी, बेसार तथा नुन स्वादअनुसार ।
विधि : पनिरलाई क्युब आकारमा काटेर खैरो हुन्जेल फ्राई गर्ने । मिक्सरमा गोलभेंडा, अदुवा, लसुन तथा खुर्सानीको पेस्ट बनाउने । एउटा प्यानमा प्याजलाई खैरो हुने गरी फ्राई गर्ने र मिक्सरमा तयार गरिएको पेस्ट हाल्ने । सानो आँचमा ग्रेभी भुट्ने र पानी अनि पनिर हालेर राम्रोसँग पकाउने ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |