एसियन नुडल्स
एसियन नुडल्स
लाखमरी
सामग्री : ताइचिन चामलको पिठो १ किलो, घिउ ३ पाउ, मास आधा किलो चास्नी डुबाउन मिल्ने गरी ।
विधि : चामललाई दिनभरि भिजाएर रातभरि ओभाउन दिने र भोलिपल्ट पिस्ने । मास पनि रातभरि भिजाएर बोक्रा निकाली बिहान पिस्ने । पिसेको मासमा अलिअलि पानी हालेर फिट्ने । घिउ, चामलको पिठो तथा मास मिसाएर एकदमै राम्रोसँग फिट्ने । नरम भएपछि सानो प्वाल भएको कपडामा बाँध्ने । त्यसपछि ताईमा हालेर पकाउने र सेप बनेपछि कराहीमा घिउ तताएर खैरो हुन्जेल पकाउने । खैरो भएपछि झिकेर सफा प्लेटमा हाली सेलाएपछि चिनीको बाक्लो झोललाई ब्रसले पालिस गरेजस्तै गरी रोटीमा लगाउने । यसरी तयार भएको लाखमरी तिहारमा बढी प्रयोग हुन्छ र यसलाई धेरै महिनापछि सम्म पनि खान सकिन्छ ।
ऐंठा
सामग्री : मैदा १ धार्नी, घिउ साढे ४ पाउ, तिल १ सय ग्राम, चास्नी आवश्यकताअनुसार ।
विधि : मैदा, तिल तथा घिउलाई मनतातो पानीले मुछ्ने । तयार पिठोलाई एकछिन सुकाउने । पिठोलाई जोखेर आवश्यकताअनुसार लिई ताईमा सेप बनाई कराहीमा खैरो हुन्जेल पकाउने । आवश्यकताअनुसार चिनी पकाएर ब्रसले रोटीको माथिबाट पेन्ट गर्ने ।
श्री नन्द मिठाईं भण्डार, कृष्ण मन्दिर पछाडि, पाटन
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |