साँधेको च्याङ्ग्राको सुकुटी
च्याङ्ग्राको सुकुटी, टुक्रा पारेको प्याज, पिसेको जिरा, काटेको हरियो खुर्सानी, काटेको गोलभेंडा, अदुवा, लसुन, हरियो धनियाँ, नुन, कागती र भुटेको तोरीको तेल ।
चिल्ली पोट्याटो
सामग्री : ३ वटा आलु, मैदा र कर्नफ्लोर आधा–आधा कप (२ चम्चा अलग्गै राख्ने), लसुन काटेको २ चम्चा, अदुवा १ टुक्रा काटेको, हरियो खुर्सानी २–३ वटा काटेको, सोया सस २ चम्चा, भेनेगर १ चम्चा, नुन स्वादअनुसार तथा हरियो प्याज १–२ वटा काटेको ।
विधि : आलुलाई ताछेर ठूलै आकारमा एउटै किसिमले काटेर पखाली सुख्खा हुन दिने । एउटा बावलमा मैदा, कर्नफ्लोर तथा पानीको पातलो घोल बनाउने । एउटा गहिरो कराहीमा तेल तताउने र पोट्याटो फिंगर्सलाई उक्त घोलमा डुबाएर त्यसलाई तातो तेलमा डिप फ्राई गर्ने ।
खैरो भएपछि निकालेर एकछिन राख्ने । कराहीमा २ चम्चा तेल तताई लसुन, हरियो खुर्सानी तथा अदुवालाई खैरो हुन्जेल भुट्ने । सोया सस, भेनेगर, नुन तथा आधा कप पानी हालेर उमाल्ने । २ चम्चा कर्नफ्लोरलाई पानीमा घोलेर उम्लिएको मिश्रणमा मिसाउने । ग्रेभी बाक्लो अर्थात् गाढा भएपछि आगोबाट निकाल्ने । फ्राई पोट्याटो फिंगर्सलाई त्यही ग्रेभीमा हालेर राम्रोसँग मिक्स गरी हरियो प्याजले सजाएर खाने–ख्वाउने ।
आलुचनाको सलाद
सामग्री : उसिनेको चना डेढ कप, आलु २ वटा (उसिनेर र क्युब आकारमा एकै साइजमा काट्ने), आधा कप प्याज (काटेको), हरियो धनियाँ १ चम्चा (काटेको), पुदिना थोरै (काटेको), कोरेको नरिवल आधा कप, अनारदाना पाउडर २ चम्चा, चाट मसला र जिराको धूलो आधा–आधा चम्चा, हरियो खुर्सानी १ वटा तथा नुन र मरिच स्वादअनुसार ।
विधि : बावलमा सबै सामग्री मिक्स गरी फ्रिजमा १ घन्टा चिस्याउने ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |