टाउको फ्राइ
विधि : सुरुमा टाउकोलाई चार भागमा काटेर प्रेसर कुकरमा दुई सिठी लगाउने । त्यसपछि निकालेर हड्डी र मासु छुट्याउने ।
खसी र सागको लेदो
सामग्री
मटन आधा केजी, प्याज १ सय ५० ग्राम, अदुवा र लसुनको पेस्ट ५० ग्राम, गोलभेंडा १ सय ग्राम, खुर्सानीको धूलो १० ग्राम, बेसार ५ ग्राम, जिराको धूलो ५ ग्राम, धनियाँ पाउडर ५ ग्राम, गरम मसला ८ ग्राम, नुन स्वादअनुसार, तेजपत्ता ३ वटा, पालुंगोको साग १ सय ५० ग्राम, तेल ६० मिलिलिटर ।
विधि
प्यानमा तेल तताएर तेजपत्ता र मेथी पड्काउने । मेथी कालो भएपछि प्याजलाई खैरो हुन्जेल भुट्ने । मटन हालेर केही समय पकाउने । त्यसपछि पानी हालेर अदुवा र लसुनको पेस्टलगायत सबै मसला मिसाएर कम्तीमा ३० मिनेटसम्म पकाउने । त्यसपछि गोलभेंडा मिसाएर केही समय पकाउने । पालुंगोको सागलाई मिक्सरमा लेदो बनाएपछि पाकेको मासुमा हालिदिने । यो तातो भात, पुलाउ वा रोटीसँग पनि खान सकिन्छ । दसैंमा एकैथरी मासुको आइटम खाइरहेकाहरूका लागि यो सजिलो र फरक परिकार हुन सक्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |