एउटा सानो शब्द हो थ्याङ्क यू अर्थात् धन्यवाद । यो शब्दले जीवनमा खुसी संचार गर्छ । धन्यवाद भन्नु मानवताको सबैभन्दा बलियो भावना हो, जसले व्यक्तिलाई खुसी बनाउँछ र जीवनप्रति उसको दृष्टिकोण परिवर्तन हुन्छ । आजसम्म भएका कतिपय शोधले यही कुरालाई अगाडि ल्याएका छन् । यदि आफूले अहिलेसम्म धन्यवाद भनिएको छैन भने तुरुन्तै धन्यवादको प्रयोग गर्न थालौं 

मनोवैज्ञानिकहरूका अनुसार थ्याङ्क यू भन्नु आफ्नै  स्वास्थ्यका लागि पनि लाभदायक छ ।

क्यालिफोर्निया विश्वविद्यालयका मनोविज्ञान विभागका प्रोफेसर रोबर्ट एमन्सका अनुसार कृतज्ञ व्यक्ति बढी चुस्त, स्फुर्त, जीवन्त, अरूप्रति रुचि राख्ने र जोसिला हुन्छन् । कृतज्ञ व्यक्तिमा ईष्र्या, क्रोध, आक्रोश, रोष र तनाव सिर्जना गर्ने अप्रिय भावना कम हुन्छ । मनोवैज्ञानिकहरूका अनुसार बाहिरी र सतही रूपमा धन्यवाद भन्न सजिलो छ तर धन्यवाद मात्र औपचारिकताका लागि व्यक्त गर्नु ठीक होइन । यसलाई ह्दयबाटै अनुभव गर्नुपर्छ । यसबाट सकारात्मक सोच कायम रहन्छ, जसका कारण हाम्रो शरीरका सम्पूर्ण ग्रन्थिले सही ढंगबाट काम गर्न थाल्छन् । यो आफैंमा आत्मविश्वास पनि हो । 

धन्यवादको फाइदा

• सम्बन्धित व्यक्तिलाई उसको कामको कदर हुन्छ भन्ने ज्ञान हुन्छ ।
• कसैलाई आभार व्यक्त गर्दा आफ्नो मन पनि हल्का हुन्छ । यही सकारात्मक भावनाले सम्बन्ध अझ बलियो बन्न पुग्छ ।
• एउटा सानो शब्द ‘धन्यवाद’ ले व्यक्तिलाई पूरा जोस–उत्साहले भरिदिन्छ र ऊ त्यो धन्यवाद प्राप्त गर्न बारम्बार उत्साहका साथ काम गर्छ । धन्यवादले उसलाई रिचार्ज गर्छ । 
• ‘धन्यवाद’ को अभिव्यक्तिलाई भविष्यमा पनि सोही व्यक्तिसित काम गर्न, काम लिन सजिलो हुन्छ । उक्त व्यक्ति पनि आफ्नो कामबाट पछि हट्ने सम्भावना कम हुन्छ । उसलाई आफूसित काम गर्दा खुसी महसुस हुन्छ, कारण उसको कामका लागि तपाईंले आभार व्यक्त गर्नुभयो, उसको महत्व बुझ्नुभयो र कामको प्रशंसा गर्नुभयो ।

ध्यान दिनुपर्ने कुरा

• यदि कसैले आफ्नो प्रशंसा गर्छ भने उसलाई धन्यवाद दिनुपर्छ । उसले आफ्नो प्रशंसा गरिरहेको छ भने उसपैति धन्यवाद त्रापन गर्नु कर्तव्य पनि हो ।
• आफ्नो साथीको हरेक सहयोग, आफूलाई खुसी राख्ने हरेक प्रयास, आफ्नो व्यस्तता र बाध्यताबीच साथ दिएको एवं समय निकालेकोमा हार्दिकता साथ आभार व्यक्त गर्नुपर्छ।
• आभार व्यक्त गर्नु एउटा सुन्दर लव मन्त्र हो । यसबाट प्राप्त हुने खुसीले आपसी प्रेम एवं विश्वास पनि बढाउँछ ।
• धन्यवाद दिने र आभार व्यक्त गर्ने बानी बसाल्नुपर्छ, कारण यदि कसैले आफूप्रति आफ्नो कर्तव्य निर्वाह गरेका छन् भने प्रशंसा प्राप्त गर्नु उनीहरूको अधिकार हो ।
• त्यो व्यक्ति जसले अरूको राम्रो गुण पहिचान गरी प्रशंसा गर्न सक्दैन । अरूको कामका लागि धन्यवाद दिन जान्दैन, सहयोगमा आभार व्यक्त गर्न सक्दैन, उसलाई आलोचना गर्ने अधिकार पनि हुँदैन ।