के माया लाग्छ र ?

उख्खुमै लाग्छ नि ।

कसको ?

मेरा दर्शक, श्रोता र मलाई माया गर्ने सम्पूर्णको ।

माया के हो ?

फिलिंग्स हो ।

गीत–संगीतमा मायाका कुरा मात्रै धेरै गरिने किन होला ?

हरेकको जीवनमा एकपटक वास्तविक प्रेम हुन्छ । मानव जीवनमा मायाको अर्थ र महत्व अपरम्पार छ । मायाले मानिसको जीवनमा छुट्टै प्रभाव पार्छ । माया शक्ति हो भने संगीत साधना हो । तसर्थ संगीतमा मायाको मिश्रण भएन भने खल्लो हुन्छ ।

तपाईंमा भएको कुन विशेष कलाले संगीतमा लोकप्रिय

हुन मद्दत गर्‍यो ?

मेरो फरक स्वर र मिलनसार स्वभावले ।

घरबाट टाढा रहँदा के गरेर न्यास्रो मेटाउनुहुन्छ ?

ममीसँग भिडियो कल गरेर, टिकटकमा समय बिताएर ।

तपाईंसँग भएको पछिल्लो रमाइलो घटना ?

लकडाउनमा घर (झापा) बाट काठमाडौं आउँदा ठाउँ–ठाउँमा चेकिङ हुँदा झूटो बोल्दै काठमाडौं आइपुगियो, नयाँ र अनौठो अनुभव बटुलियो ।

युवा नै हुनुहुन्छ, करिअरमा कस्तो चुनौती देख्नुहुन्छ ?

मभन्दा धेरै प्रतिभाशाली र वर्षौं साधना गरेका स्रष्टाहरू हुनुहुन्छ, संगीत क्षेत्रमा । मलाई आफ्नो छुट्टै पहिचान बनाउनुपर्ने र कमाएको नामलाई टिकाइराख्नुपर्ने चुनौती छ ।

तपाईंलाई कसैले सोधेको अनौठो र एकदमै रमाइलो कुरा ?

मेरो भिडियो हेरेर सबैले तपाईंको विवाह भयो भनेर सोध्छन्, २२ वर्षकी मलाई यस्तो प्रश्न सुन्दा अनौठो लाग्छ ।

कुनै गीतको एक अन्तरा तपाईंकै लागि दिइयो भने कुन छान्नुहुन्छ ?

‘दिन पनि सहुँला’ बोलको गीतको ‘चाहिँदैन सुनको सिक्री, सुनैको बाला’ भन्ने अन्तराले मेरो आवाज बोल्छ ।

ॅएनिमल किङडम’ का लागि राजा छान्ने जिम्मा तपाईंलाई दिइयो भने कुन जनावर छान्नुहुन्छ ?

सिंहलाई ।

तपाईंले गाउने गीतमा राख्नैपर्ने कुरा र राख्न नहुने कुरा ?

राम्रा र सन्देशमूलक शब्द हुनैपर्छ भने छाडा र दोहोरो अर्थ लाग्ने शब्द हुनुहुँदैन ।

तपाईंलाई गाउन मन लागेको नेपालीबाहेक अर्को भाषाको गीत ?

हिन्दी ।

तपाईंलाई मनपर्ने एप ?

फेसबुक ।

अरूले थाहा नपाएको तपाईंको बानी ?

म रिसाहा छु ।

आफ्नो सुधार्नुपर्ने कुरा ?

हरेक कुरामा परिपक्व हुन चाहन्छु ।

इन्स्टाग्राम कि टिकटक ?

टिकटक ।