साहसी लक्ष्मी

नारी संवाददाता

असार ३, २०७६

रोमाञ्चक एवं चुनौतीपूर्ण साइकल यात्रा गर्ने लक्ष्मी मगरले गत महिना भारतको उत्तराखण्डमा भएको ‘द अल्टिमेट उत्तराखण्ड हिमालयन एनटिबी च्यालेन्ज’ मा सफलता हात पारेकी छिन् । उत्तराखण्ड टुरिजम तथा साइक्लिङ फेडरेसन अफ इन्डियाले आयोजना गरेको उक्त कार्यक्रममा ७ वटा देशका ८० जना प्रतिस्पर्धीलाई पछि पार्दै लक्ष्मी प्रथम भएकी हुन् । 

मगरले ६ सय ५८ किलो मिटरको पहाडी यात्रा साइकलमा ७ दिनमा पार गरेकी थिइन् । उक्त कार्यक्रममा इन्डोनेसिया, मलेसिया, थाइल्यान्ड, सिंगापुर आदि मुलुकका महिलाहरू सहभागी थिए । 

लक्ष्मीले धेरै पटक साइकलमै 

अप्ठ्यारो पहाडको यात्रा गरिसकेकी छिन् । १० वर्षदेखि चुनौतीपूर्ण क्षेत्रमा महिला सहभागिता बढाउन उदाहरणीय काम गरेकी लक्ष्मीले धेरै राष्ट्रिय तथा अन्तर्राष्ट्रिय प्रतियोगितामा भाग लिएर सफलता हात पारेकी छिन् । उनले केही महिनाअघि नेपालगन्जमा सम्पन्न राष्ट्रिय खेलकुद प्रतियोगितामा पनि प्रथम स्थान हासिल गरेकी थिइन् । 

माउन्टेन बाइक चलाउन राम्रो सीप हुनुपर्ने लक्ष्मीको धारणा छ । विश्वमै महँगो र उच्च स्तरको रोमाञ्चक खेलमध्ये पाँचौं स्थानमा पर्ने अन्नपूर्ण क्षेत्रमा हुने साइक्लिङ प्रतियोगिता ‘याक अटेकमा’ पनि उनी धेरै पटक सहभागी भएकी छिन् । 

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


×