नेपाली भाषा तथा साहित्य परिषद् हङकङले पारिजात स्मृति दिवसको अवसर पारेर प्रदान गर्ने पारिजात पुरस्कार यो वर्ष सुनिता गिरीको कविता संग्रह ‘माइत जाने बाटो’लाई प्रदान गरिएको छ । हङकङमा बसेर साहित्य सिर्जना तथा साहित्य सिर्जना गर्दै आएकी गिरीलाई २ हजार २ सय २२ डलर सहित ताम्रपत्रले सम्मान गरिएको हो ।
पुरस्कार वितरण समारोहमा निर्णायक सिर्जनशील साहित्य समाजका अध्यक्ष तथा कवि हाङयुग अज्ञातले प्राप्त भएका तीन कृतिमध्ये ‘माइत जाने बाटो’लाई उत्कृष्ठ ठहर गरिएको नतिजा सार्वजनिक गरेका थिए । उनका अनुसार पुरस्कारका लागि पूर्णिमा साहको कविता संग्रह ‘सपनाको क्षितिज’ र नरजीत राईको कविता संग्रह ‘मनोबिम्व’ पेश गरिएका थिए ।
फाउण्डेसनका सचिव अमोद राईले हङकङमा नेपाली भाषा तथा साहित्यको संरक्षण र सम्बर्धनका लागि विगत तीन वर्षदेखि नियमित पुरस्कार प्रदान गरिएको जानकारी गराएका थिए ।