यो दुनियाँ आश्चर्यले भरिएको छ । यस्तै आश्चर्यको एउटा उदाहरण एक महिलाले पेस गरेकी छिन् । ३९ वर्षकी ती महिलाले अहिलेसम्म ४४ वटा सन्तान जन्माइसकेकी छिन् । तीमध्ये ३८ जना अहिले पनि जीवितै छन् भने ६ जनाको मृत्यु भैसकेको छ । संसारकै जब्बर ती महिला युगान्डाकी हुन् ।
उनको नाम मरियम नाबातन्जी हो । १२ वर्षको उमेरमा विवाह गरेकी मरियमले १३ वर्षको उमेरदेखि सन्तान जन्माउन थालेकी थिइन् र पछिल्लो २६ वर्षमा उनले झन्डै ४ दर्जन सन्तान जन्माइसकेकी छिन् । विवाह गर्दा उनी आफैं बाल्यकालमा थिइन् तर उनको लोग्नेको उमेर ४० वर्षको थियो ।
त्यसैले विवाहलगत्तै उनी गर्भवती भइन् र त्यसपछि पनि नियमित रूपमा सन्तान जन्माइरहेकी छिन् । ३९ वर्षको उमेरमा ३८ वटा सन्तान हुनु सामान्य होइन । उनका ती सन्तानमध्ये धेरै जुम्ल्याहा हुन् । उनले ६ पटक जुम्ल्याहा, चारपटक तिम्ल्याहा तथा तीनपटक चम्ल्याहा सन्तान जन्माएको बताइन्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
