मर्मभित्र मदन
‘मेरी धर्मपत्नी यशोदा नभएको भए म आज यो स्थानमा हुँदैनथें । जीवनमा जे–जति गर्न सकें उनकै प्रेम, साथ, सहयोग र प्रेरणाले सम्भव भएको हो’ उनले भने, ‘यशोदाको स्वर्गारोहणपछिका पाँचवर्षयता म अधूरो र अपूरो छु ।’
बैंकमा काम गर्ने भएकाले नयाँ नोटको गन्ध आएपछि अञ्जु पन्तलाई दसंै आएको अनुभव हुन्छ । दसंैका बेला बैंकमा निकै भीडभाड हुन्छ । पैसा निकाल्ने तथा जम्मा गर्नेहरूको आवतजावत बढ्छ । कसैले व्यापारमा लगानी गर्न पैसा निकाल्छन् भने कसैले आफ्नो नाफा बैंकमा जम्मा गर्छन् । दसंैको टीका लगाएपछि हातमा कटकटिएको नोट दिने चलन निकै पुरानो हो । अर्काथरी ग्राहक नयाँ नोट साट्न बैंक धाउँछन् । बैंकमा टेलर तथा हरेकतर्फ स्टाफ पनि थपिन्छ । दसंैमा ग्राहकहरूको मनसाय बुझेर समय दिनुपर्ने भएकाले पहिलेदेखि नै योजना बनाइने उनी बताउँछिन् । पन्त आफ्नो किनमेल भने समय मिलाएर बिदामा गर्छिन् । नवमी तथा दशमीमा उनको बिदा हुन्छ । माइती मलंगवा भएकाले दसैंमा उनले दुर्गापूजाको आनन्द निकै उठाइन् । बाल्यकालमा नयाँ लुगा तथा पैसा पाइने भएकाले दसंै आउँदा उनलाई निकै खुसी लाग्थ्यो । उनी बिहान ३ बजे उठेर आमाहरूसँग मन्दिर जान्थिन् । बिहान फुल्ने पारिजातको फूलले वातावरणलाई दिने ताजापन तथा वासनाले पनि उनलाई दसंैको झझल्को दिन्छ । तराईमा काठमाडौंमा जस्तो चंगा उडाउने चलन छैन । तर मन्दिर जाने, किनमेल गर्ने र दुर्गापूजा भने निकै हुन्छ । अञ्जुलाई दसंैमा आफन्तसँग भेट हुने, शक्तिको आराधना गर्ने, आफूभन्दा ठूलाको आशीर्वाद लिने पक्ष निकै राम्रो लाग्छ ।
दसंैमा बोनस आउने भएकाले लुगाबाहेक अरु सामानहरू जोहो गर्ने योजना पनि रहेको उनी बताउँछिन् । पन्त दसैंमा घरको पर्दा, फर्निचर, इन्टेरियर परिवर्तनका साथै सकेसम्म गहना पनि बनाउँछिन् । आफूसँग किनमेलका लागि समय कम भएकाले साथीभाइसँग गएर आफूलाई चाहिने आवश्यक सामान खरिद गरिहाल्छिन् । उनी हरेक सामानको लिस्ट बनाएर किनमेल गर्छिन् । यसो गर्दा उनको बजेट तथा समय दुवैको सदुपयोग हुन्छ । अञ्जु नवरथाभरि विभिन्न मन्दिर पुग्छिन् । दसंैको टीकाको दिन उनी रातो साडी लगाउन मन पराउँछिन् ।
उनीहरूको टीका ठूलो दाइको घरमा सम्पन्न हुन्छ । उनीहरूको घरमा द्वादशीसम्म टीका लगाइन्छ । दसंैले सबैमा एक प्रकारको उल्लास छर्ने अञ्जुको अनुभव छ । दसंैमा नेपालीहरूको घरमा खुसीको लहर छाउँछ । सबैको मुहारमा विशेष किसिमको रौनक देखिन्छ । असत्य माथि सत्यको विजय भएको दिनका रूपमा मनाइने यो पर्वले कामकाजीहरूमा पनि ऊर्जा प्रदान गर्छ । दसंैमा लामो बिदा हुने भएकाले आराम तथा रमाइलो दुवै गर्न पाइन्छ । सबैले दसैंमा विभिन्न योजना बनाउँछन् । विदेश घुम्नेदेखि लिएर परिवारका साथमा विभिन्न तरिकाले समय बिताउने योजना पनि दसैंमै सफल हुन्छ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |