सहवासका मामिलामा महिलाहरू हिजोआज पनि संकुचित देखिन्छन्, त्यसैले उनीहरू आफ्नो साथीसित खुलेर आफ्नो मनको कुरा व्यक्त गर्न सक्दैनन् तर आफ्नो साथीले आफ्नो मौन कुरा बुझोस् भन्ने चाहना राख्छन् जुन प्राय: पुरुषका लागि कठिन हुन्छ ।

आवश्यक छ उत्कृष्ट समय

आम रूपमा पुरुषमा के धारणा पाइन्छ भने जति पटक उनीहरू आफ्नो साथीसित सहवासमा संलग्न हुन्छन्, त्यति नै खुसी उनीहरूका साथीलाई हुन्छ । जुन केही हदसम्म सत्य हो, तर आजको भागदौडको जीवनमा त्यो सम्भव देखिँदैन । आजभोलिका अधिकांश दम्पती कामकाजी हुन्छन् । यस्तोमा कतिपटक सहवास भयो भन्दा पनि कति सन्तुष्टदायक भयो भन्ने कुराले महत्त्व राख्छ । त्यसैले हरेक दिनको साटो सातामा एकपटक सहवासका लागि उत्कृष्ट समय निकाल्नुपर्ने धारणाको विकास भएको पाइन्छ । जसबाट दम्पतीबीच प्रेम-प्रगाढता त बढ्छ नै, महिलाहरूलाई सन्तुष्टि पनि प्राप्त हुन्छ ।

रोमान्स नभई सहवासको चाहना

रोमान्स वैवाहिक जीवन र सहवासको प्रारम्भका लागि अत्यन्त आवश्यक छ, तर कतिपय स्थितिमा महिलाहरू रोमान्सलाई एकातिर छोडेर साथीबाट मात्र सहवासको इच्छा राख्छन् । यस्तोमा पुरुष साथीले उनीहरूको इच्छाविपरीत व्यवहार गरे भने महिलाहरूले त्यसलाई रुचाउँदैनन् ।

केही नयाँ प्रयोग गर्ने चाहना

दैनिक तालिकाका कुरा कसैलाई पनि मनपर्दैन । जसरी दैनिक रूपमा एकै प्रकारको खाना वा एकै प्रकारको पहिरन लगाउँदा जोकसैलाई बोर लाग्छ, त्यसैगरी अन्तरंग क्षणहरूमा पनि महिलाहरू पुरुष साथीबाट केही नयाँ प्रयोगको अपेक्षा राख्छन् । यस्तोमा जब पुरुष साथीले उनीहरूको भावना बुझ्न सक्दैनन् तब उनीहरू त्यसबाट टाढा रहन थाल्छन् ।

सहवासपछि

प्राय: पुरुषहरू सहवासपछि मुख फर्काएर सुत्छन्, तर महिलाहरू त्यसो गर्दैनन् । सहवासपछि पनि उनीहरू पार्टनरको प्रेमपूर्ण स्पर्शको चाहना राख्छन्, जसलाई प्राय: पुरुषले बुझ्दैनन् । सहवासपछि पुरुष साथीको त्यस्तो व्यवहारबाट सन्तुष्ट प्राप्त हुनुको साटो महिलाको तनाव अझ बढ्छ । अत: पुरुषहरूले यस विषयमा सजग रहनुपर्छ ।

स्वभावमा परिवर्तन

यदि आफ्नो जीवनसाथीको नजिक रहन चाहने हो भने पुरुषले उनको इसारा बुझ्नु आवश्यक छ । महिनाबारीका बेला हार्मोनल परिवर्तनका कारण महिलाहरूमा स्वभावमा समस्या देखिन्छ अर्थात् उनीहरूको स्वभाव परिवर्तन हुन्छ । यसबाट केही महिलामा कामेच्छा बढ्छ, तर केही सहवासबाट टाढै रहन मन पराउँछन् । यस्तोमा उनीहरूको मनको कुरा बुझेर व्यवहार गर्नु पुरुषको जिम्मेवारी हो ।

केही अन्य कुरा

- अधिकांश महिला विस्तारै गरिने सहवासलाई महत्त्व दिन्छन् ।

- सहवासका बेला महिलाहरू साथीबाट अश्लीलताको अपेक्षा राख्छन् । सहवासका बेला साथी चुप लागेको उनीहरूलाई मन पर्दैन ।

- सहवासपछि गर्भनिरोधक प्रयोग गर्नुको साटो महिलाहरू पुरुषले कन्डोम प्रयोग गरोस् भन्ने अपेक्षा राख्छन् ।

- सहवासका बेला बढी तनाव र पीडा कुनै पनि महिलालाई पटक्कै मन पर्दैन ।