फिट्नेस

जुम्बा भनेको के हो ?

यो एउटा वर्क आउट नै हो । डान्समार्फत एक्सरसाइज नै जुम्बा हो । जुम्बा साल्सादेखि बलिउड तथा हिपहपको मिक्स हो ।

जुम्बाबाट के कस्तो फाइदा हुन्छ ?

बडी टोनअप गर्छ, छाला राम्रो पार्छ, स्लिम बनाउँछ, प्रेसर तथा कोलोस्ट्रोल नियन्त्रण गर्छ ।

जुम्बा कति समयसम्म गर्नुपर्छ ?

प्रशिक्षकसँग सिकेपछि घरमै नियमित रूपमा १ घन्टा गर्नु

उपयुक्त हुन्छ ।

कुन उमेरका महिलाहरू बढी सिक्न आउँछन् ?

३५ वर्ष क्रस गरेका देखि ५० वर्ष सम्मका महिला बढी आउँछन् ।

जुम्बाले मोटोपन घटाउँछ ?

खाना कन्ट्रोल गर्नुपर्छ तर गरिएन भने पनि त्यति बढ्न दिँदैन । विस्तारै भए पनि शरीर मेन्टन गर्छ ।

जुम्बा गरेर बीचमै छोडियो भने ?

विस्तारै मोटाउन थालिन्छ ।

नाच्न नजान्ने र लजाउनेहरूले पनि जुम्बा गर्न सक्छन् र ?

नाच्न नजान्ने र लजाउनेहरू पनि १-२ वटा कक्षा हेरेपछि यो नृत्य व्यायाममा रमाउँछन् ।

सरिता राई

जुम्बा प्रशिक्षक

सौन्दर्य

एच.डी. मेकअप के हो ?

एच.डी. मेकअप हाई डेफिनेसन क्यामेराका लागि गरिने मेकअप हो जुन नेचुरल लुक्समा हुन्छ ।

यो मेकअप कसरी गरिन्छ ?

यो ब्रस वा एअर ब्रसद्वारा गरिने मेकअप हो । ब्रसले गर्ने एच.डी. हो भने त्यही मेकअप एअर ब्रसद्वारा गरियो भने थ्री डी हुन्छ ।

अनुहारमा यो मेकअपको प्रभाव कस्तो देखिन्छ ?

यो मेकअप गरिसकेपछि अनुहार फाइन देखिन्छ । यसले विदाउट मेकअपमा जस्तो नेचुरल लुक्स दिन्छ । मुहार फ्लो लेस (साइन, चार्म एवं पिंकी) देखिन्छ । यो मेकअपले लाइट फिल गराउँछ । अन्य मेकअप गरिसकेपछि जस्तो हेभी फिल हुँदैन ।

यसको कुनै साइड इफेक्ट छ कि ?

पटक्कै छैन । सबैको स्किनमा एउटै टुल्स प्रयोग नगरिने हुँदा यो अझ हाइजेनिक हुन्छ । हरेकका लागि छुट्टाछुट्टै टुल्स प्रयोग गरिने हुँदा एक-अर्काका समस्या सर्ने सम्भावना कम हुन्छ ।

यो मेकअप कस्तो अवसरका लागि उपयुक्त हुन्छ ?

रिसेप्सन पार्टी, विवाह, चाडपर्व, फेसन र्‍याम्प तथा बडी पेन्टिङ आर्ट आदिमा यो मेकअप उपयुक्त हुन्छ ।

रिना प्रधान, सञ्चालक

द फिनिसिङ टच सेन्टर फर ब्युटी टेक्नोलोजी,  कुमारीपाटी