रनवे मोडलको परिचय बनाउन सफल मोनिका अधिकारी अन्तर्राष्ट्रिय सौन्दर्य प्रतिायोगिता ‘मिस ग्लोब–२०२४’ मा उत्कृष्ट १५ औं स्थान हासिल गर्दै अन्तर्राष्ट्रिय स्तरमा परिचित भएकी छिन् । उनी ‘हेड टू हेड च्यालेन्ज’ तथा ‘मोस्ट पपुलर अवार्ड’ मा पनि फाइनलिस्ट बन्न सफल भएकी थिइन् ।
मोनिकाको ‘मिस ग्लोब’ सम्मको यात्रा यसै वर्ष ‘मिस्टर एन्ड मिस नेसनल २०२४’ प्रतियोगितामा ‘मिस ग्लोब नेपाल २०२४’ को उपाधि जितेपछि सुरु भयो, जुन सनुर्वी इन्टरनेसनल प्रालिद्वारा आयोजना गरिएको थियो । मोनिका २०२२ मा नेक्स्ट मोडेल्स नेपालद्वारा आयोजित प्रतिष्ठित ‘मोडल हन्ट नेपाल’ प्रतियोगिता जितेर चर्चामा आएकी थिइन् ।
‘मिस ग्लोब २०२४’ को भव्य फिनाले अल्बानियाको तिराना ओलम्पिक पार्कमा १५ अक्टोबरमा सम्पन्न भयो । कोलम्बियाकी डायना मोरेनोले ४२ प्रतिस्पर्धीलाई हराउँदै ‘मिस ग्लोब’ को उपाधि जितिन् । थाइल्यान्डकी प्राडा थान्सिता दिल्होकानन्साकुल पहिलो रनर–अप घोषित भइन् भने फिलिपिन्सकी जस्मिन बुङ्गे दोस्रो रनर–अप बनिन् । जर्मनीकी एन्ड्रोमेडा शुस्टर तेस्रो रनर–अप बनेकी छिन् भने भियतनामकी हा त्राङ डोले चौथो रनर–अपको स्थान हासिल गरिन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
