बैतडीमा जन्मिएका दिव्यदेव पन्तले त्रिभुवन विश्वविद्यालयबाट अंग्रेजी साहित्य र पत्रकारितामा स्नातक गरेका छन् । करिब ३० वटा नाटक, ८ वटा ठूलोपर्दाका चलचित्र र करिब दुई हजार भोइस–ओभर गरिसकेका दिव्यदेव पोयट आइडल र हाल प्रसारण भइरहेको सिजन–दुईका प्रस्तोता हुन् ।
रियालिटी–शो होस्टिङमा कत्तिको इन्जोय गरिरहनुभएको छ ?
इन्जोय गरिरहेको छु । पहिलो सिजन अलि डराएरै गरें, त्यति ढुक्क थिइन तर सिजन दुईमा राम्रै गरें । साहित्यमा रुचि भएकाले मलाई क्रमशः रमाइलो हु“दै गयो । अहिले त एकदमै सहज छ, खुसी छु ।
रुदाने जस्तो दमदार चलचित्र खेलिसकेको नायक, कसरी टिभी कार्यक्रम संचालन गर्न आउनुभयो ?
म नायकभन्दा पनि आफूलाई कलाकार नै भन्न रुचाउँछु । मेरो विधा भन्दा धेरै परको विधा पनि होइन कार्यक्रम संचालन । चलचित्रमा भित्रैदेखि महसुस गरेर अभिनय गर्ने हो यसमा पनि उस्तै अनुभूति हो । साधारणतया टिभीमा काम गर्दा हरेकको घरमा पुगिन्छ । मेरो इच्छा हरेक दर्शकसँग कनेक्टेड हुनु हो । साहित्य मन परेको विधा भएकाले राम्रै निर्णय गरेजस्तो लाग्छ ।
नेपाली मनोरञ्जन क्षेत्रको स्तर कहाँनेर पाउनुहुन्छ ?
सुधार्नुपर्ने कुरा जहिले र जता पनि रहन्छ तर हामी प्रगतिशील यात्रामा छौं । प्रगतितर्फ उन्मुख छौं ।
यसको विकास, गुणस्तरीयता र अन्तर्राष्ट्रिय रूपमा प्रतिस्पर्धी बनाउन के आवश्यक ठान्नुहुन्छ ?
कहिलेकाहीँ हामीले रिस्क लिन पनि डराउनु हुँदैन, विकास र गुणस्तरको सवालमा । लगानी गर्ने कुरामा पनि खुला सोच राख्नुपर्छ जस्तो लाग्छ । यसको दायरा फराकिलो बनाउनुपर्छ । आम दर्शकको रुचिलाई समेटेर कथावस्तु सिर्जना हुनुप¥यो । साहित्यमाथि बनेका मुभी अझ गहन हुन्छन् । साहित्यकार तथा राम्रा लेखकहरूलाई चलचित्र लेखनतर्फ पनि उत्प्रेरित गर्नुप¥यो ।

मनोरञ्जन क्षेत्रबाहेक अन्य केमा व्यस्त हुनुहुन्छ ?

म फुल–टाइम कलाकार हुँ । विज्ञापनमा भोइस–ओभर र रंगमञ्चमा अभिनय गरिरहेको छु ।
तपाईंलाई अभिनय गर्न मन लागेको कथा र पात्र ?
मलाई अझैं बायोपिकमा काम गर्ने मन छ । बी.पी., पृथ्वीनारायण शाह, डोरबहादुर विष्टलगायतका अन्य ऐतिहासिक पात्रमाथि अभिनय गर्ने मन छ ।
जीवनमा प्रभाव छाड्न सफल महिला कोही छन् कि ?
मेरी आमा । उहाँबाहेक ‘वान वल्र्ड’ थियटरका संस्थापक तथा निर्देशक डा.डेब्रा मरोला ।