मिस पुर्वाञ्चल २०१९ को उपाधि मोरङ पथरीकी रिजु भट्टराईले जित्न सफल भएकी छिन । शनिबार राती धरान ८ स्थित सभागृहमा सम्पन्न फाइनलमा अन्य २० प्रतिस्पर्धीहरुलाई पछि पार्दै उनले ताज पहिरिएकी हुन् ।
प्रतियोगिताको मुख्य निर्णायक एवं वरिष्ठ गायक दीप श्रेष्ठले भिजिट नेपालबारे सोधेको प्रश्नको उत्कृष्ट जवाफ दिदै उनले उपाधि जितेकी हुन् । यसअघि उनी मिस पथरी शनिश्चरे २०१९ की विजेता पनि हुन् । उनलाई मिस पुर्वाञ्चल २०१८ की विजेता पूजा श्रेष्ठले ताज पहिराइदिएकी छिन ।
भटराईले उपाधिसँगै २ लाख रूपैयाँ जितेकी छिन् । यस्तै, अध्ययनको लागि युएन कलेजमा छात्रवृत्ति समेत पाएकी छिन् । उपाधिसँगै उनले मिस पर्सनालिटीको सव टाइटलका साथै हङकङ भ्रमणको अवसर समेत पाएकी छिन ।
संगीत, चित्रकला र गायनमा रुचि रुचि राख्ने उनले यो उपाधिले आफुलाई थप प्रेरणा मिलेको प्रतिक्रिया दिईन । यसैगरि, प्रतियोगितामा एन्जल राईले फस्ट रनरअपको उपाधि जितिन् भने सिमरन लिम्बू सेकेण्ड रनरअप भईन । सिल्भर इन्टरटेनमेन्टले आयोजना गरेको प्रतियोगितामा टप १२, टप ५ हुँदै विजेता घोषणा गरिएको प्रतियोगिताका संयोजक सौरभ श्रेष्ठले जानकारी दिए ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
