जाडोमा छालाको स्याहार
जाडो मौसम सुरु भइसकेको छ । यो मौसममा छालामा विभिन्न समस्या देखिन सक्छन् । खासगरी छाला सुख्खा र रुखो हुन्छ । सुख्खा छाला भएपछि चिलाउँछ । चाउरीपनाको समस्या पनि बढ्न सक्छ ।![](https://nari-assets-api.ekantipur.com/thumb.php?src=https://nari-assets-cdn.ekantipur.com/uploads/source/news/2023/miscellaneous/nnne-29122022112526.jpg&w=1000&height=600)
![](https://nari-assets-api.ekantipur.com/thumb.php?src=https://nari-assets-cdn.ekantipur.com/uploads/source/news/2023/miscellaneous/nnne-29122022112526.jpg&w=1000&height=600)
छालाको उपचारमा ‘डर्मल फिलर’
‘डर्मल फिलर’ भनेको ‘एन्टिएजिङ’ उपचार पद्धति हो । शल्यक्रिया नगरी सुई दिएर शरीरको कुनैपनि भागमा झुन्डिएको छालालाई कसिलो बनाउन यो उपचार विभिन्न तरिकाबाट गरिन्छ । बढी प्रयोगमा सुई नै रहेको छ । सुईको माध्यमबाट ‘हेमोलियम एसिड’छालामा प्रवेश गराइन्छ । यसले छालालाई स्वस्थ देखाउन मद्दत गर्छ । यो विशेषगरी आँखामुनिको भाग, गालाको साइड, निधारको छेउछाउमा र गाला–ओठको सेप मिलाउन, नाकमा आउने लाइनहरूमा बढी प्रयोग गरिन्छ ।
पछिल्लो समय ‘फिलर’ प्रतिको चासो र आकर्षण बढ्दै गएको छ । यो एकपटक गरेपछि करिब एकदेखि दुई वर्षसम्मका लागि काम गर्छ । यसले अनुहारमा ‘भोल्युम’ दिने काम गर्छ । बीचमा केही समस्या आए वा आफूलाई अझै राम्रो देखाउने चाहना भए ‘टचअप’ पनि गर्न सकिन्छ । यसको परिणाम आउन दुई साता लाग्छ । छोटो समयमा बिनादुखाइ सौन्दर्य बढाउने भएकाले यो उपचारपद्धति लोकप्रिय हुँदै गएको छ । यो उपचार ५० देखि ६० वर्ष उमेर समूहका व्यक्तिहरूले बढी रुचाएको पाइएको छ । ‘फिलर’ गर्दा कोहीमा सामान्य ‘साइड इफेक्ट’ पनि देखा पर्न सक्छ । जस्तैः फिलर गरिएको ठाउँमा नीलो डाम÷धर्सा बस्न सक्छ । तर, त्यो लामो समयसम्म रहँदैन । छाला पातलो हुनेहरूमा यो समस्या बढी देखा पर्छ । ‘फिलर’ गर्नुअघि विभिन्न कुरामा ध्यान दिनुपर्छ । रगत पातलो बनाउने औषधि, पेनकिलर, अल्कोहलको प्रयोग गर्नु हु“दैन । ‘फिलर’ गरिसकेपछि केही समय वर्कआउटबाट टाढा रहनुपर्ने हुन्छ । साथै यो उपचारको राम्रो परिणाम प्राप्त गर्न पर्याप्त मात्रामा पानी पिउनुपर्छ ।
(डा. प्रकृति एस्थेटिक्स डर्माटोलोजीस्टका साथै स्वस्ती लेजर एण्ड स्किन केयर क्लिनिकका सञ्चालक हुन् )