अमेरिकाको न्युयोर्क स्थित घरेलु कामदारको पारिश्रमिकका क्षेत्रमा कार्यरत नर्वदा क्षेत्री मानवअधिकारका लागी कार्ययरत, अधिकार नामक संस्थाको डाइरेक्टर अफ अर्गनाइजिङ एण्ड एड्भोकेसी पदमा रहेर काम गरिरहेकी छिन् । उनले वकालत गरेका घरेलु कामदारको हक, हित र अधिकारका बिषयमा सन् २०१० मा कानुन नै स्थापित भयो ।  नेल सलुनमा काम गर्ने कामदारहरुको हक–अधिकारका लागी लडेर उनलेसन् २०१५ मा सोही सम्बन्धी कानुन ल्याउन सफल भइन् । राष्ट्रिय कामदारहरुको संस्था ( नेशनल डोमेस्टिक वर्करस एलायन्स ) बाट स्ट्रटेजि अर्गनाइजिङ लिडरसीप कोर्ष पुरा गरेकी नर्वदाले सन् २०१२ तथा १३ मा कर्नेल विश्वविद्यालयबाट युनियन लिडरसीप कोर्ष समेत पुरा गरिन् । सन् २०१४ मा कोरो इमिगेरेशन लिडरसीप फेलोसीप प्राप्त गरेकीप् उनलाइ उक्त कोर्षले अधिकारका मुद्धामा अझ फराकिलो अवधारणा बनाउन मद्धत पुऱ्यायो ।

सन् २००६ मा संयुक्त राज्य अमेरिका पुगेकी नर्वदा नेपाल छंदा मानवअधिकार का बिषयमा काम गर्ने संस्था हिमराइट्स ( हिमालयन ह्युमन राईट्स मोनिटर ) मा ९ बर्ष काम गरिन् । उहीबेला देखी नै सामाजिक तथा अधिकार मा काम गर्न रुचाउने उनी सन् १९९८ देखी २००० सम्म हेटौंडा लेडी जेसिसको अध्यक्ष्य भइसकेकी थिइन् । आंट र दृढता भए नकारात्मक जीवनलाई समेत शसक्त ढंगले परिवर्तन गर्न सकिन्छ, जसले दिर्घकालिन सामाजिक परिवर्तन ल्याउन सहयोगी भुमिका खेल्छ । –फरक नेतृत्व रुचाउने नर्वदा भन्छिन्– म एक छोरीकी एकल आमा भएकोमा गर्व गर्छु । यो शाहस म भित्र यत्तिक्कै आएको होइन् , जीवनका कयौं भोगाइ, मेहनत, संघर्ष र अथक प्रयासको परिणाम हो ।