किशोरी लेखिका
अनेकौं शारीरिक तथा मानसिक उथलपुथलबाट गुज्रनुपर्ने यो उमेरलाई प्रशस्तिले अक्षरहरूबाट व्यक्त गरेकी छिन् अर्थात् उनले किशोरावस्थाको अनुभूतिलाई कविता र लेखमार्फत पोखेकी छिन्, जो अहिले पुस्तकका रूपमा आएको छ । पुस्तकको नाम हो–रेड मुन ।
कान्तिपुर पब्लिकेसन्सको सहप्रकाशन नारी मासिकले आयोजना 'निर्भीक नारी'को दोस्रो सत्र 'युवा दृष्टिकोण'मा आफ्ना कुरा राख्दै उनले जलवायु परिवर्तनका बारेमा धेरै नीति तथा सन्धि बने पनि यसमा गम्भीर भएर नसोचिएको जनाएकी छिन् ।उनले भनिन्, 'जलवायु परिवर्तनले असर गर्छ भनिन्छ तर अवस्था अहिले भयावह बनिसकेको छ ।थोरै पनि तापक्रम बढ्दा यसले ठूलो असर गर्छ ।’
उनले देशले युवाहरुमा लगानी नै गर्न नसकेको बताइन् । ‘कुनै पनि क्षेत्रमा युवाहरूका लागि सरकारले के गरिरहेको छ? स्टेबल लिडरसिपको आवश्यकता छ । बलियो नेतृत्वको आवश्यकता छ । युवाहरुको शक्तिलाई पहिचान गरेर अघि बढ्नुपर्छ । समस्याको कुरा मात्र गर्ने तर समाधानको कुरा भने भइरहेको देखिँदैन,’ उनले भनिन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |