‘आफूलाई निखारिएको परिणाम बगानमा’ -प्रमिला कार्की (नवनायिका)
मैले मेरो पात्रलाई न्याय दिन सक्दो प्रयास गरेकी छु । शतप्रतिशत ‘इफोर्ट’ लगाएकी छु । जति मैले आफूलाई निखारेर आएकी छु त्यसको परिणाम यो चलचित्रमा देख्न पाइन्छ ।
सन् २०१४ मा इस्लामावादमा सम्पन्न तेस्रो साफ वुमेन्स च्याम्पियनसिपबाट अन्तर्राष्ट्रिय फुटबलमा डेब्यु गरेकी सावित्रा भण्डारीले एक–दुईपल्ट बल छोएलगत्तै गोल गरिन् । त्यसयता निरन्तर नेपाली महिला फुटबलमा क्रियाशील भण्डारी अहिले नेपालको मुख्य फरवार्ड भएकी छिन् । गत महिना भारतको सिलीगुडीमा सम्पन्न चौथो साफ वुमेन्स च्याम्पियनसिपमा उनले व्यक्तिगत गोल संख्या १२ पुर्याएर कीर्तिमान नै खडा गरिन् । साफ च्याम्पियन बन्ने नेपाली सपना सेमिफाइनलमै तुहिए पनि २० वर्षीया सावित्रा भने गोल मेसिनका रूपमा स्थापित भइन् ।
कुल १६ अन्तर्राष्ट्रिय गोल गरेकी भण्डारीले राष्ट्रिय टिमबाट १५ क्याप जितेकी छिन् । दुवै खुट्टाले बल प्रहार गर्न तथा पावर गेम खेल्नसक्ने उनको स्तर निरन्तर बढ्दो छ । सिम्पानी–७, लमजुङका थमबहादुर र मुन्नामाया भण्डारीका ६ सन्तानमध्येकी सावित्रा २०७२ फागुनयता एपीएफ क्लबसँग आबद्ध छिन् । ५ फिट ४ इन्च अग्ली भण्डारी प्रधानसेनापति कपमा एपीएफ दुईपल्ट च्याम्पियन हुँदाकी मुख्य खेलाडी हुन् । गएको कात्तिकमा एपीएफ च्याम्पियन हुँदा उनी सर्वोत्कृष्ट खेलाडी एवं सर्वाधिक गोलकर्ता घोषित भइन् । भण्डारीले पश्चिमाञ्चलविरुद्ध समूह चरणमा १० गोलसहित प्रतियोगितामा कुल १३ गोल गरेकी थिइन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |