गर्मी मौसम सुरु भएसँगै आफ्नो खानपानमा विशेष ध्यान दिनु जरुरी हुन्छ । गर्मी मौसममा डिहाइड्रेसन र हिट स्ट्रोक हुने धेरै सम्भावना हुन्छ । खानपानमा विशेष ध्यान दिएर यी समस्याबाट बच्न सक्छौं ।
पानी र फलफूलमा जोड
गर्मीमा डिहाइड्रेसन हुन नदिन उपयुक्त मात्रामा पानी सेवन गर्नुपर्छ । फलफूल पनि खानुपर्छ । विशेषगरी खरबुजा फाइदाजनक हुन्छ । यसमा पानीको मात्रा बढी हुन्छ । खरबुजा स्वास्थ्यवर्द्धक हुनुका साथै यसको स्वाद पनि मीठो हुन्छ ।

हरियो सागपात र सलाद
गर्मी मौससमा हरियो सागपातमा जोड दिनुपर्छ । हरियो सागपातमा फाइबरको मात्रा बढी हुन्छ । यसले तौल नियन्त्रण राख्न मद्दत गर्छ । विभिन्न थरीका सलाद खाँदा पोषण र स्वाद दुवै पाउन सकिन्छ ।
नरिवल पानी र दही
गर्मी मौसममा नरिवल पानी फाइदाजनक हुन्छ । यसमा इलेक्ट्रोलाइट हुन्छ र यसले शरीरलाई शीतल बनाउन सहयोग गर्छ । दही पनि गर्मीका लागि उपयोगी हुन्छ । यसबाट प्रोबायोटिक प्राप्त हुन्छ । यो मौसममा पेटको समस्या धेरै देखिन्छ । दहीको सेवन गरे यस्ता समस्याबाट छुटकारा मिल्छ । दहीलाई लस्सी बनाएर पनि पिउन सकिन्छ ।

थप लेखहरू

सिक्किमे स्वाद काठमाडौंमा

‘पपया’का थरीथरी स्वाद

मिथिला थाली

लस्सी बनाउने विधि
सामग्री: १ गिलास दही, २–३ वटा सुकमेल, चिनी वा सख्खरको धूलो स्वादअनुसार ।
विधि: दहीलाई मदानीमा वा मिक्सचरमा हालेर घोल्ने । त्यसमा चिनी वा सख्खर स्वादअनुसार मिसाउने । आइस क्युब राखेर सर्भ गर्ने । माथिबाट ड्राई फ्रुट्सलाई मसिनो गरी राखेमा सेवन गर्दा स्वादिलो हुन्छ ।

दीक्षा केसी