ओरेन्ज चिकेन
विधिः सबै भेजिटेबल र चिकेन ब्रेस्टलाई आयोडिन पानीमा राम्रोसँग पखाल्ने । चिकेन ब्रेस्टलाई एउटा बाउलमा राखी अदुवा–लसुनको पेस्ट, हर्ब्स, मरिचको धूलो र नुन हालेर मेरिनेट गर्ने अनि १५ मिनेटसम्म छोडिदिने ।
सनोज मिठाईं भण्डार, लगनखेल
सेल
सामग्री : मसिनो गरी पिसेको चामलको पिठो १ किलो, खस्रो चामलको पिठो २ पाउ, मैदा २ पाउ, चिनी २ पाउ, अलैंची पिसेको २० ग्राम, घिउ आवश्यकतानुसार ।
विधि : एउटा गहिरो भाँडामा चामलको पिठो, मैदा, चिनी तथा अलैंचीको धूलो मिसाउने र त्यसमा पानी हालेर मुछ्ने । त्यसलाई आधा घन्टाजति त्यत्तिकै छाड्ने । सेल पकाउने तावामा सेल डुब्ने गरी घिउ तताउने । घिउ तातेपछि एक डाडुजति मुछेको पिठोमा हालेर चलाउने । सोलीको सहायताले घिउमा सेललाई आकार दिन सकिन्छ । दुवै साइडमा पल्टाई–पल्टाई पकाएर खैरो भएपछि निकाल्ने ।
रोट
सामग्री : मैदा १ किलो, घिउ ३ पाउ, बेकन पाउडर ३ पाउ, खाने सोडा १ चम्चा ।
विधि : घिउ, चिनी, बेकन पाउडर तथा सोडालाई फिटेर त्यसमा पानी हाल्ने र मैदा हाल्दै मुछ्ने । नरम भएपछि कपडाले छोपेर दिनभरि राख्ने । भोलिपल्ट बेल्ने र साइजअनुरूप काटेर घिउमा फ्राइ गर्ने । पाकेर खैरो भएपछि रोट तयार हुन्छ ।
फिनी
सामग्री : मैदा १ किलो, घिउ ४ पाउ ।
विधि :मैदालाई नरम तथा पातलो हुने गरी मुछ्ने । घिउ तथा मैदालाई पनि राम्रोसँग फिट्ने । त्यसपछि पिठोलाई फोल्ड गरेर काट्ने । काटेपछि चारकुने आकारमा बेल्ने । यसलाई घिउमा ६–७ मिनेटसम्म पकाएपछि फिनी तयार हुन्छ ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |