प्रभावशाली गौरिका

नारी संवाददाता

जेष्ठ २, २०७८

पौडी खेलाडी गौरिका सिंह प्रभावशाली युवाहरूको सूची ‘फोर्ब्स थर्टी अन्डर थर्टी एसिया २०२१’ मा परेकी छन् । अमेरिकी पत्रिका‘फोर्ब्स’ले गौरिकालाई ‘इन्टरटेन्मेन्ट एन्ड स्पोर्ट्स’ तर्फ एसियाकै प्रभावशाली ३० युवामा राखेको हो ।

१८ वर्षीया गौरिकालाई प्रभावशाली युवामा समावेश गर्दै पत्रिकाले लेखेको छ, ‘गौरिका सिंह नौ वर्षको उमेरदेखि नै पौडीमा छिन् भने १२ वर्षदेखि नेपालका लागि प्रतिस्पर्धा गरिरहेकी छन् । उनले दक्षिण एसियाली खेलकुद–२०१९ मा चार स्वर्ण, दुई रजत र तीन कांस्य पदक जितिन् । उनी रियो ओलम्पिक–२०१६ मा सबैभन्दा कम उमेरकी खेलाडी थिइन् । टोकियो ओलम्पिक–२०२० का लागि पनि उनी छनोट भएकी छन्, जुन स्थगित भएर जुलाई–अगस्ट २०२१ मा हु“दैछ । पौडीबाहेक उनी समाजसेवामा पनि संलग्न छिन् । गैरनाफामूलक संस्थाहरू माइती नेपाल र शान्ति एजुकेसन इनिसिएटिभकी उनी सद्भावना दूत हुन् ।’

उनीसहित ३० वर्षमुनिका ३० जना प्रभावशाली युवालाई ‘फोर्ब्स’ले ‘थर्टी अन्डर थर्टी एसिया’ को ‘इन्टरटेन्मेन्ट एन्ड स्पोर्टस्’ विधामा समावेश गरेको हो ।

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>