श्रुतिलाई दुई स्वर्ण

नारी संवाददाता

पुस ५, २०७७  

भारतमा भएको २१ औं ‘विश्व भारत्तोलन–२०२०’ खेलमा नेपालकी श्रुति कार्कीले दुई स्वर्ण पदक हात पारेकी छिन् । भारतको महाराष्ट्रस्थित अमरावतीमा भएको खेलमा ५५ केजी तौल समूहको प्रतियोगितामा कार्कीले भारत, पूणेकी मनिकर्णा रायलाई हराएकी थिइन् । नेपालको प्रतिनिधित्व गर्दै फाइनलमा कार्कीले ओभरलमा २ सय ५५ केजी र रायले १ सय ७६ केजी उचालेकी थिइन् । कार्कीको समूहमा ११ जनाबीच प्रतिस्पर्धा भएको थियो । पदक जितेपछि उनले कर्णालीजस्तो पिछडिएको प्रदेशबाट अन्तर्राष्ट्रिय प्रतियोगितामा सहभागी भएर देशको लागि स्वर्ण पदक जित्दा थप ऊर्जा मिलेको बताएकी थिइन् । उनी मिडवर्स्टन फिट्नेस सेन्टरबाट प्रशिक्षित भएकी हुन् । यसअघि राष्ट्रिय प्रतियोगितामा विभिन्न पदक जितिसकेकी उनको जन्मथलो सुर्खेत हो ।

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्


?>