कलेज अफ जर्नालिज्म एन्ड मास कम्युनिकेसनले नेपाल तथा अफ्रिकाको चलचित्र संस्कृति आदान–प्रदानका लागि हरेक वर्ष ‘नेपाल–अफ्रिका चलचित्र महोत्सव’ को आयोजना गर्दै आएको छ । यसै क्रममा कात्तिकको तेस्रो साता सातौं संस्करणको ‘नेपाल–अफ्रिका चलचित्र महोत्सव–२०१९’ हुने भएको छ ।
सांस्कृतिक संस्थान जमलको सहकार्यमा यो महोत्सव यसपटक यही कात्तिक १६ अर्थात आजबाट १८ गतेसम्म तीन दिन जमलस्थित राष्ट्रिय नाचघरमा सञ्चालन हुनेछ । यो स्वदेशी तथा अफ्रिकी चलचित्र प्रदर्शन गरिने दक्षिण एसियाकै पहिलो चलचित्र महोत्सव हो । यो अफ्रिकालाई उनीहरूकै लेन्सबाट उनीहरूको चलचित्रमार्फत हेर्ने एउटा अवसर भएको कलेजकी प्रिन्सिपल मञ्जु मिश्रले बताएकी छिन् ।
मिश्रका अनुसार यस पटक नेपाल र अफ्रिकाका गरी २५ वटा लामा तथा छोटा चलचित्र, वृत्तचित्र एवम् कार्टुन चलचित्र चयन गरिएको छ । यसपटक अफ्रिकाका नाइजेरिया, केन्या, घाना, साउथ अफ्रिका, जिम्बाबे, सेनेगल, मालवी, इजिप्ट/नर्वे/जर्मनी तथा बेलायतका चलचित्र महोत्सवमा सहभागी छन् ।
आममहिलालाई लक्षित गरी महिलाको विषयवस्तु सम्बन्धित म्यागेजिनको संख्या न्यून रहेको अवस्थामा नारी मासिकको परिकल्पना गरिएको हो । कान्तिपुर पब्लिकेसन्सको सह–प्रकाशन नारी मासिकले महिलाका विविध आयामलार्ई समेट्दै आएको छ ।महिलाका विषयवस्तुमा प्रकाशित म्यागेजिनको संख्या न्यून रहेको अवस्थामा यसले महिलाका विभिन्न विषयलार्ई समेट्दै आफूलार्ई अग्रस्थानमा राख्न सफल भएको छ ।
© Copyright narimag.com.np |
