स्कार्सविरुद्ध टाटु

नारी संवाददाता

कार्तिक ३, २०७६  

सुन्दर हुन सबैलाई मन लाग्छ तर विभिन्न घटना–दुर्घटना वा जन्मजात नै कतिपयको शरीरमा दाग एवं घाउ हुन्छन् । यस्तै दाग–घाउका कारण सहज रूपमा हिँडडुल गर्न कतिपयलाई अप्ठ्यारो लाग्छ । यसरी चिन्तित हुनेहरूको मुहारमा खुसी ल्याउन गत महिना पोखरामा तीनदिने ब्युटिफुल स्कार्स कभर अप टाटु इभेन्ट सम्पन्न गरिएको छ । रुतिष टाटु एन्ड पिइरसिङद्वारा आयोजित यो कार्यक्रम नि:शुल्क थियो । 

उक्त इभेन्टमा काटेका घाउ, दाग एवं दुर्घटनाबाट खत बसेको, पोलेको आदि समस्याबाट शरीरका हात, खुट्टा, अनुहार आदि स्कार्स भएकाहरू पुगेका थिए । स्कार्स भएको ठाउँलाई आकर्षक टाटुले छोप्दै स्मार्ट देखिन पाउँदा सबै उत्साहित पनि देखिन्थे । 

त्यसका लागि पोखरा, काठमाडौं तथा बनेपाका ६ जना टाटु आर्टिस्ट खटिएका थिए । समाजमा टाटु खोपाउनेहरूप्रतिको सोच परिवर्तन गर्नु समेत यो इभेन्टको उद्देश्य थियो । उक्त अवसरमा १८ वर्षमाथिका सहभागीहरूमध्ये २० देखि ३० वर्षका युवा–युवतीकोबाहुल्यता थियो ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्

?>