कान्छी गायिकाको लहर

नारी संवाददाता

कार्तिक १, २०७६

धादिङकी ११ वर्षीया गायिका कमला घिमिरे लोकदोहोरी गीत गाएर चर्चामा छिन् । कमलाले लोकदोहोरी क्षेत्रका कलाकारहरूसँग प्रत्यक्ष दोहोरी खेलेर सबैलाई प्रभावित तुल्याएकी हुन् । कमलाले गाएको लाइभ दोहोरी अहिले युट्युबमा भाइरल भैरहेको छ ।

उनको लाइभ दोहोरीको भिडियो लाखौं पटक हेरिएको छ । कमलाले कृष्ण कँडेलले सञ्चालन गर्ने लोकदोहोरी गीतको कार्यक्रम ‘इन्द्रेणी’ मा उनले राजु परियार, टीका सानु, रविन लामिछाने आदि गायक–गायिकासँग लाइभ दोहोरी गाएकी थिइन् । कमलाको चर्चा चलिरहँदा पाँच वर्षीया बालगायिका विशेषता पराजुलीले पहिलो पटक दसैं गीत गाएकी छिन् ।

‘रातो टीका जमरा...’ शीर्षकको उक्त गीतमा यी बालगायिकालाई गायकहरू विश्वास पराजुली, माधव पराजुली तथा गायिका अर्चना स्याङ्तानले साथ दिएका छन् । यी दुई बाल गायिकासँगै ६ वर्षीया रबिना बसेल पनि आफ्नो पहिलो बालगीतसहित दर्शक तथा श्रोतामाझ आएकी छिन् । गीतकार अम्बिका गुरुङको शब्दको ‘हात्ती दाइ हात्ती दाइ’ शीर्षकको बाल गीत गाउँदै रबिना सांगीतिक क्षेत्रमा आएकी हुन् । 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्